هنا

[فقار الكرخي]

گالولي ناسي وگلت لا حاچيله
ماتنسئ كهوتها وتغيب الهيله

وادعي الصبح حد مايمر بيه لليل
و حتى امي لجلك امس ذبت شيله

وسولفلي كلشي البير يسمع للناس
ماتسوه تزعل روح كلشي احجيله

ودري الشمع ضل يزغر بعين النار
لوشاف جف ربعه اليجي يهفيله

ورخص ودور صورتك من احتاز
يل بس طريجك عيني ظل تربيله

وحمود مراني شعجب ما مريت
يالبيه عايش كبل فكرت ريله

عشت انه نوح وليش ماعشت وياي
ونوح اليعوفه يموت بااول سيله

ردلي الجبير يريد واحد لو طاح
يحتازه من يطيح ويتجيله

ودري الشجر مقسوله يعاشر فاس
وعاشرته بس راح اليعدل الميله

وردلي اليموت بغربه يرجع تابوت
ولا انته ميت حتئ اكوم ابجيله

ياغصن عمري البيك عشگ الصياد
شاف الطيور ومارماك بچيله

يلمدري شني وللشمس تفتح باب
والليل لو رادك تجي اتضويله

مو بيه حاتم مرني لو مرت ضيف
واحنه الاصاله وضيفنه انحيله









منقول للأمانة الأدبية

[نغز الحياة]

جميل

[فقار الكرخي]

نورتي

[انثى مخمليةة]

نقل مميز

شكرا

[حہيہدر الہبغہداديہ]

شكرا للانتقاء الجميل