فيديو من الفيس بوك
يـا شـهر عاشور ما مثلك شهر
بـيـك ابـو السجاد دلاله إنفطر
يـا شـهر عاشور هيجت الحزن
بـيـك جسم حسين ظل بلا دفن
حسين خلّ الدمع يجري على الوجن
وانـفـجع چبد النبي سيد البشر
يـا شهر عاشور بيك شچم شباب
بـيـك ظل بلا دفن فوگ التراب
يـا شهر عاشور حرگوا للاطناب
بـيـك دين المصطفى دامي النحر
يـا شـهـر عباس خسفوا هامته
وبـيـك ابو فاضل إنگطعت يمنته
وبـسـهم صابوه وشگوا جربته
عـالشريعه من وگع جسمه و خر
يـا شـهـر عاشور بيك تچتلت
آل عـدنـان وعلى الغبره هوت
والـحـرم يـا شهر بيك تسلبت
وبـيـك تتراجف بگت من الخطر
يـاشـهر عاشور وانصار الشهيد
بـيك كلها تچتلت فوگ الصعيد
والـيـتـامى تچتفت من إيد ليد
عگب ابـوالسجاد والسبعة عشر
يـاشـهـر عاشور هليت الدمع
وبيك گلب أم الحسن ظل منفجع
يـا شـهر عاشور رجيت الرضع
بـالـحـزن وانـتشر بالبر وبحر
يـاشـهـر عاشور ذوبت الگلب
بـيك الأكبر ظل على وجه الترب
وزيـنـب الحره مشت ويا الغرب
تـصـيح وينك يامن للهاشم گمر
يـا شـهر عاشور بيك إبن الحسن
لـعـد عرسه العالم إرتج وانرجن
وصـار عرسه الكدر وثيابه الچفن
مـا تـهـنى بالعرس راعي الفخر
يـا شـهـر عاشور شيال العلم
بـيـك لـمن طاح هجموا عالخيم
شـبـوا الـنـيران سلبوا للحرم
وضـعـن زينب باليسر لمن سدر
يـاشهر عاشور كل صبح ومسى
حـزن يـومـك بالدهر ما ينسى
وأم حـسـن وحسين سيدة النسا
بـيك تنحب والگلب منها إستعر
رد مع اقتباس
المشاركة الأصلية كتبت بواسطة رند البصراوية
