هنا

[سارهـ الطائي]

سعيد السيد كاظم السيد علي السيد عيسى الصافي
( 1956 -)شاعر حسيني عراقي.
يعود نسبه إلى الإمام موسى بن جعفر (عليه السلام).
ولد في مدينة الرميثة التابعة لـ محافظة السماوة .
متزوج وله ستة أطفال: مرتضى - علي - عباس - حسين - مسلم ـ هاني ....
بدأ في كتابة الشعر في بداية السبعينات و يوجد لة يوجد عنده عشرة دواوين وهنالك أربعة في طريقها للطبع.
ويوجد له مجموعة من الدواوين الحسينية والشعبية . الحسينية هي:
ديوان الصافي - دموع الطفوف - دموع القوافي - الوديعة - صبر العقيلة - الكرم الهاشمي - الراية الهاشمية - دمع الومه .

الشعبية هي:
غِيرتنه - خيّال وكحيلة وشرف..

من القصائد الحسينية ..
...........................

1. يا ليل طول ساعاتك


يا ليل طوّل ساعاتك يا ليل أحمل آهاتك
لو ودّعت الوليان تتولاني العدوان

************

طول يا ليل الوداع اشما تطول اوياك أساهر

ما أمِل من البواجي حتى لو تعمه النواظر

احسين بس هالليلة يمي ما تشوفه اعيوني باجر

صدقني يا ليل القهر***** يا ريتك اطّول دهر

خايفه من أشباح القدر ****خاف اظل مكسورة خاطر

يا ليل ارحم دلالي** يا ليل ضاعت آمالي

آه يا دهري الخوان** تتولاني العدوان

***********

آنه يا ليل العقيلة زينب المعروف خدري

طولي ما واحد الشافه او لا ستر يوصل الستري

لجن يا ليل اشبديه سلمت للقدر أمري

دمعاتي يبسن بالجفن ****من يطر مصباح الحزن

بطفال و بعيله امتحن**** و الله ما ينحمل صبري

يا ليل كافي اتروعني** يا ليل صبحك يفجعني

لو نزلوا للميدان** تتولاني العدوان

************

و الله خنقتني العبره اشلون اوّصف هالمسيه

مثل سرب القطا طلعت للوداع الفاطميه

ريتك اتشاهد بناتك علي يا حامي الحميه

يندبهن احسين ابمحن**** كلهن فرد فزعه افزعن

ويّ الولي يتوادعن**** هاي روحه ابلايه جيه

نسوان يا هو اليحميهن** لو راح عنهن و اليهن

يقبل داحي البيبان** تتولاني العدوان

**************

كلمن اتعنت وليها تهل دمع الحزن يمه

سكنه لحسين ابو اليمه راحت بلهفه تشمه

او ليله للأكبر ولدها هوت فوقه اتصيح ُيمه

او رمله اوي جاسم جاعده**** تظفر اجعوده اتناشده

ارحم دليل الوالده**** و للصدر قامت تضمه

جاوين يوليدي الشمعه** جسام شو صارت دمعه

فقدك مو بالحسبان** تتولاني العدوان

*************

آه يا حال الرباب الحنّت النوق البجيها

اتعاين العبدالله طير الجنة نايم فوق ايديها

يفز لو رادت ترضعه من يروح ايدر ثديها

متهني ابنها بنومته**** خافت يفز لو رضعته

قامت تصد الرقبته**** طاحت او فقدت وعيها

جا ليش يبني ايذبحونك** سبّاح قلبي يقطعونك

جيّ كلتلهم عطشان** تتولاني العدوان

*************
زينب العباس اخوها اتعنت و قامت تنشده

خويا بيّ اشلون باجر قلي يا راعي الموده

يا جفيل الظعن ظعني للوطن يا هو اليرده

عباس انت اللي قلت**** وياي قومي و أمنّت

يا الأخو بيه اتكفلت**** اشلون لو وقعت بشده

عباس دقعد حاجيني** عباس وين تخليني

اختك يا عالي الشان** تتولاني العدوان

.............

2. عتابي ..

عـــــــــتــــــــابــــ ــــــــــ ــــــــــــــــــــي
عتابي يا اخوتي ويا من عتابي
اذا كان الزمن رايد عذابي
شهر حزني جرحني بطلعت هلاله
صدى صوت المصاب الـ ضيع سنيني
ليل نهار يا زينب يناديني
يهيج كل جرح بيا ويبكيني
يذكرني بكفيل الـ كان يحميني
شهر الـ كِسر قلبي وزيد ونيني
على هلاله تصد بيا نظر عيني
اشوف شلون الـ هلال السباني
غريبة بحسرة الوالي دعاني
بقيت الوحدي ودموعي همالة
عتابي يا اخوتي ويا من عتابي
اذا كان الزمن رايد عذابي
شهر حزني جرحني بطلعت هلاله
لـ هلال الشهر تحسب الناس حساب
ما بين اليتاني عودة الغياب
بين الينتظر طارش من الاحباب
وانا شـ نتظر يا كف يدق الباب
اخوتي والبنين وكل هلي الاطياب
عافوني بمصاب الماكو مثله مصاب
آرامل ودعوا عندي ويتامى
على متوني الهضم تارك علامة
صحت يا حسرتي والحسرة قتالة
عتابي يا اخوتي ويا من عتابي
اذا شان الزمن رايد عذابي
شهر حزني جرحني بطلعت هلاله
شهر الـ عالهزل مشاني مشتوفة
وصوبني بجروح الشام والكوفة
عساني بلا نظر وهلاله ما اشوفه
بقيت بلا ولي ودموعي مذروفة
وآنا بت علي الـ بالهيبة معروفة
خيال الشمس تخجل لمن تطوفه
على الشاطي بسهم صوب دليلي
وطيح مهجتي بطيحت كفيلي
عقب ذاك الخدر لني بيا حاله
عتابي يا اخوتي ويا من عتابي
اذا شان الزمن رايد عذابي
شهر حزني جرحني بطلعت هلاله
هلال الـ حزن شفته ولا هلا ناديت
يا هلال المصايب عندي شخليت
اجيب ويا اخوتي والوحدي رديت
بين الذكريات وغربتي ظليت
اطشن كل ضوى عيوني بظلام البيت
ولا ليلة تمرني من البكي عنيت
واقول شلون ابطل من ونيني
سؤال على اخوتي يهيج حنيني
ولـ مفارق عزيز النوح يحلاله
عتابي يا اخوتي ويا من عتابي
اذا شان الزمن رايد عذابي
شهر حزني جرحني بطلعت هلاله
سنة مرت ع ــليا وانا مفجوعة
اذكر يا مصاب وانسى يا لوعه
صور مني الحزن بعيوني مطبوعة
واحاذر ما اون ونة مسموعة
واحس جفن العيون تجرحه دموعه
ولو دمعة مصابي دمعة مشروعة
قلب عندي الصبر اصبح صفاته
اخاف حسرتي تسر الشماتة
وانا القلب فقد يا ناس آماله
عتابي يا اخوتي ويا من عتابي
اذا شان الزمن رايد عذابي
شهر حزني جرحني بطلعت هلاله
شلي بشوفة هلال الـ بدد احلامي
كسر خاطر شعوري وهيج آلامي
عسى لا طال عمري وقصرن ايامي
هلالٍ ونار اشوفن قمت جدامي
خيل بلا رحم متعنية لخيامي
طفلة مسلبة وشبدة طفل ضامي
اكابر واشقف السوط باديا
وصية بذمتي وصعبة الوصية
اخوي حسين عندي ودع اطفاله
عتابي يا اخوتي ويا من عتابي
اذا شان الزمن رايد عذابي
شهر حزني جرحني بطلعت هلاله

.......................

3. هضموني هضموني ..


هضموني...هضموني..يا بويه هضموني..سكنه العزيزه او سلوتك..يابويه هضموني

يا بويه شحجيلك اشصار ابحالي..من ودعتني...(بويه)
لا محنه وابليل اوتمر وابالي.. يــــــــــــالدللتني...(بو يه)
حال اليتيمه الضلت اب لا والي.. يـــــال يتمتني...(بويه)
يتموني..يتموني..من زغري يتموني..ليش انحرم من شوفتك..يابويه هضموني

لمن رجع خالي المهر صديته..بل دمه امـــــخضب...(بويه)
بويه او مثل طير القطه اتلكيته..الطم او انــــــــحب...(بويه)
خبرني طاح اب يا كتر ناديته..جبدي الامــــــصوب...(بويه)
صابوني صابوني..بل جبد صابوني..يوم الي صاباو جبدتك**يا بويه هضموني

انا ادري ما تكدر يابن حامي الجار..تســـمع اعتابي...(بويه)
ريتك جنت واتعاين ابحالي اشصار..يكلف مصـــــابي...(بويه)
من شبت ابوسط الخيم بويه النار..حركت اثيــــــــابي...(بويه)
ضربوني..ضربوني..يا بويه ضربوني..لواعتنيت الجثتك..يابويه هضموني

ياوالدي جم لوعة الاتهدم الحيل..مرت عليــــــــــــــــــه...(ب ويه)
روف اومصيبه او هضم يا بويه او ليش..بالغاضـــــريه...(بويه)
ليل احمل اسياط العدا او بين الخيل..وازكـــــــــــف بديه...(بويه)
بمتوني.. بمتوني..والاثر بمتوني..ريتك تعاين طفلتك..يابويه هضموني

اصعب مصيبة الهيجت ألأمي..والكلب مـــــــــــــــــــــفزو ع...(بويه)
راسك يا خيمة عزتي جدامي..عل رمح مـــــــــــــــــــرفوع.. .(بويه)
كبل الاعيون انتحب قلبي الدامي...دم يــــــــــبجي وادموع...(بويه)
ذبحوني.. ذبحوني.. جم ذبحه ذبحوني.. ناس الي حزاو ركبتك..يابويه هضموني

موقف الى شيب دليل والراس..واشلون اوصـــــــــــــــــــــف ه...(بويه)
بت النبي وتتصدق عليه الناس..يا الف وســـــــــــــــــــــــ فه...(بويه)
طحت او صحت جا وينه عمي العباس..صاحب الكـــــــــلفه...(بويه)
شتموني..شتموني..يا عمي شتموني..ما اضن تقبل غيرتك..يابويه هضموني

مجلس يزيد الصوبتني اسهامه..غابت الـــــــــــــــــــــــ ـضنه...(بويه)
رادوني عد اهل الغدر خدامه..طلبوني منـــــــــــــــــــــــ ــــــه...(بويه)
يلراسك اب وصط الطشت جدامه..كمت اصــــــــــــــــــــــد نه...(بويه)
بعيوني..بعيوني..من شفته بعيوني..بل عصه يضرب شفتك..يابويه هضموني

...
يتبع ..

[سارهـ الطائي]

جـف الدفع باب الدار ..... شوف اشترك من آثار ضـلع الزجيه المصيوب ..... يبن الحسن يالمحجوب شــوف اشــتــرك مـــن آثـــار عـن جـرح امـك الـبـضعه موجود الأثر لليوم شكوه إبكل وكت ينزف و ادموع و حزن و اهموم بـعـده الـظـالـم ابـظلمه يتحكم عله المظلوم و الـمـظـلـوم يـنـتظرك سره البقلب مكتوم حـكـم العدل يالموعود ..... ما بعد يحتاج اشهود و حق الصميده المغصوب ..... يبن الحسن يالمحجوب شــوف اشــتــرك مـــن آثـــار هـاي الـبـضـعه و الهادي وصه ابكل فرض بيها و جـان ابـعـطـفـه يفقدها يصابحها و يماسيها و كـال يـحـبـنـي الـيـحبها و ياذيني اليأذيها و يـا ذنـب الـبـده مـنـها لمن هجموا اعليها دافعت أمِ الأطياب ..... عن حق علي داحي الباب حـيدر البلنص منصوب ..... يبن الحسن يالمحجوب شــوف اشــتــرك مـــن آثـــار والـدهـا رسـول الله لـمـن جـان يـفـقدها مـا يـقـبـل يـطـب للدار إله بإذن من عدها و بـحـكـم الـشرع مسموح يدخل ليها والدها اشـلـون ابـلا إذن دخـلت ناس أجناب ناشدها جـا مـا كالوا الأشرار ..... فاطم ما عليها إخمار مـذعوره و قلبها ايلوب ..... يبن الحسن يالمحجوب شــوف اشــتــرك مـــن آثـــار عـنـهـم لـلـستر لاذت خلف الباب يدروها و الـمـفـروض مـن عـدهم بها الحاله يحشموها بـت سـيـد الـرسل طاها و خير النسه ايعرفوها ابـيـن الـبـاب و الـحـايط أم الحسن عصروها دم الـزجيه المهدور ..... و لوعت ضلعها المكسور سـبب دمعنه المسجوب ..... يبن الحسن يالمحجوب شــوف اشــتــرك مـــن آثـــار نـفـس الـظـلـموا البضعه والينه علي ظلموه و الـسـم لـلـحسن إبنه أصحاب الحقد دسوه و ظـامي اعله الفرات حسين نحره إمن الكُفه ذبحوه و قـطـع الـرووس يا الغايب من ذاك الزمن سنوه و عـندك خبر هالأيام ..... عن هدم دور الإسلام تـعجيل أمرك مطلوب ..... يبن الحسن يالمحجوب شــوف اشــتــرك مـــن آثـــار حـال الـمـسـلـمـين اليوم إنته ابعينك اتنظره الـيـنـهـج مـنهج أجدادك أهل التفرقه اتكفره خـلـق الـطـائـفـيه اتريد ابهذا الحقد التفجره و إحـنـه ابـلـهـفه يالمهدي موعد ثارك انطره شـيـعـة علي تترجاك ..... تحمل الرايه ابيمناك و اعـليها ثارك مكتوب ..... يبن الحسن يالمحجوب شــوف اشــتــرك مـــن آثـــار هـاي أهـل الـعـراق و هاي ما صارت مصايبها أيـتـام و أرامـل شـوف حـالـتـهـا يغايبها اتـريـدك تـفـزع اعـلـيها قوم و لبي مطلبها إلـمـن تـشـتـكـي و غـيرك من يقدر يجاوبها شـيـعتك ما بين إذياب ..... حاطتها زمرة إرهاب و الصخر من ونها ايذوب ..... يبن الحسن يالمحجوب شــوف اشــتــرك مـــن آثـــار

السيد سعيد الصافي الرميثي ..

[ღ عِشق ღ]

لا تكفي الكلمات في وصف القمة االسيد سعيد الصافي الرميثي
فخر الشعر والشعراء ..
..
شكراً لنشرك غاليتي سارة ....
بوركتِ