الشاعر المبدع
حيدر الخفاجي
من مدينتي المشخاب
لحظه لحظه ----- بس اطب للمعركه ماخلي حس
لحظه لحظه ----- وهذا ملك الموت وصيته من امس
من جهنم لازم يفتحولي باب اني والسيف اتفقنه عالركاب
لحظه لحظه
*****
اني من سموني الاكبر صح الاكبر موجزاف
صوره من جدي محمد بالشبه ماكو اختلاف
راضع بثدي المراجل غيري مو اني اليخاف
اينعت بالطف ركبهم ياعلي وحان القطاف
هلله هلله ---- اني الاكبر من صدك مو بس اسم
هلله هلله ---- راح اخلي كربله تغص بالزلم
من اطب للمعركه يتم النصاب اني والسيف اتفقنه عالركاب
*****
عمه رايح للشهاده وهي اعظام انتصار
امي عندج تبقه امانه واخوتي وكل الزغار
ادري بختي تنتظرني تجوي نار الانتظار
لو وصلتي للعليله منه ارجو الاعتذار
يختي يختي ادري هسه تربي عينج عالدرب
يختي يختي اعذريني اني رايح للحرب
راح ازلزل كربله وانزل عذاب اني والسيف اتفقنه عالركاب
*****
لحظه لحظه ----- بس اطب للمعركه ماخلي حس
لحظه لحظه ----- وهذا ملك الموت وصيته من امس
من جهنم لازم يفتحولي باب اني والسيف اتفقنه عالركاب
لحظه لحظه
*****
بكر ابن غانم برزله وهذا الاكبر زامطه
رمله وكفت بالمخيم والحزن كاع وغطه
لحظه والسيف عالنحره عفيه جف الماخطه
الينعد بألفين فارس وي الاكبر مابطه
بويه بويه ----- بكر ابن غانم ذبحته وليك جاي
بويه بويه ---- هل الهديه وجائزتهه شويه ماي
بويه والله من العطش دلالي ذاب اني والسيف اتفقنه عالركاب
*****
يبني لو ماي بخيمنه للرضيع انطينته ماي
وسكنه عطشانه وتدور اجت يم عباس هاي
روح للميدان يبني واخذ كل حيلي وضواي
جدك عالحوض واكف ينتظر من عدنه جاي
هذه هذه اخر وداع التقي بجدي الرسول
هذه هذه اخر وداع التقي بفحل الفحول
راح اودع كربله باخر خضاب اني والسيف اتفقنه عالركاب
*****
لحظه لحظه ----- بس اطب للمعركه ماخلي حس
لحظه لحظه ----- وهذا ملك الموت وصيته من امس
من جهنم لازم يفتحولي باب اني والسيف اتفقنه عالركاب
لحظه لحظه
*****
بقت عندي اخر وصيه عمه زينب تسمعين
من ترجعون بضعنكم للوطان وسالمين
عمه احلفج بالزجيه وبامير المؤمنين
بس انشديه بالبنه اشحاطه ام البنين
عفيه عفيه شخلفت وشحطت بذاك الحليب
عفيه عفيه الجابت العباس حالت ماتجيب
اي وحك شيلتهه اطب وما اهاب اني والسيف اتفقنه عالركاب
*****
اليزامط كون اهلهه وجان الاكبر اله اهل
اتوسط بنص الكتايب جن محمد وارتجل
فرت اسراب الكطه ومثل الصكر فوكاهه جل
ياخذ العينه بزلمهم مايطك بس الفحل
سيفه سيفه جن فقار وبيد امير المؤمنين
سيفه سيفه من نزل ذكرهم بدر وحنين
كال الاكبر هذا فعلي ومو سراب اني والسيف اتفقنه عالركاب
*****
صوت mp3 من الدرر
القصيدة مسجلة فيديو
بصوت المبدع الملة خضير الشكري
رد مع اقتباس
المشاركة الأصلية كتبت بواسطة ((المهندسة))
