السلام على الرجال الذين صبروا وصابروا وناضلوا وتحملوا نگ النساء وطلباتهن التي لا تنتهي ابدا السلام على كل الرجال الذين تعاملوا بكل حب واريحية مع
كلمات القوارير القاتلة لانها مكررة .
جيب، ودي، اخذني ، اخذها وياك من تطلع ، وين چنت، شوكت ترجع ، انت متونس لان تطلع، اصدقاءك اهم مني، جنت مدللة عند اهلي، الف واحد خطبني قبلك وما قبلت، مو زين قبلت بيك ، اني چان جسمي يخبل قبل الزواج، هسا من قهرك سمنت وتغيرت ، انت شيهمك قابل تحبل مثلي، تعال اگعد يم اطفالك ساعة وشوفني شگد اتعب.، شفت امك، شفت اختك، شفت اخوك، شفت خالتك، شفت عمتك، شفت مرة اخوك ، انت مو بحالي، انت لا ابالي، انت تحب بس نفسك، وديني لاهلي ، قابل اهلي يذبوني بالشارع، لو يتعاجزون مني مثلا، شنو عبالك اني مگطمة وما عندي اهل، ليش متجاوب، ليش مستحقرني، مو صوجك صوجي اني احجي وياك!!
فكل عام وانتم بخير لصبركم العظيم ايها الرجال المساكين
المشاركة الأصلية كتبت بواسطة @أمير الذوق
