القصيدة عبارة عن رسالة من السيدة فاطمة
العليلة عليها السلام الى ابيها وعزيزها الحسين عليه السلام
نسال الله قبول هذا القليل بحق السيدة فاطمة العليلة .
******************************
يا اغله الاحباب .... ذاب الگلب ذاب
ليهسه عالباب .... انطر خبركم
مو عمت العيون .... والگلب مفتون
يمته تردون .... واشتم عطركم
**********
يالي مانعرف خبركم
طول علينه السفر
غيمت عيوني بصوركم
مطرت دموع وسهر
شابت رموشي بسفركم
والنظر راح النظر
روحي ذابت من هجركم
والله يا اغلى البشر
ذابت الروح.... من افراگكم والله وبعدكم
گلبي مجروح .... هايم وينطر وعدكم
يا اغله الاحباب .... ذاب الگلب ذاب
ليهسه عالباب .... انطر خبركم
مو عمت العيون .... والگلب مفتون
يمته تردون .... واشتم عطركم
**********
بويه انا فاطمة
شنهو اظن ناسيني
عالدلال معلمه
والدمعه هسه بعيني
مو گلت ليه ترد
شو طولت حاجيني
علي الاكبر ماجه
وانه المرض ماذيني
فدوه يحسين .... لا لتعوفني وحدي عليله
مو نشفت العين .... والجسم مهدوم حيله
يا اغله الاحباب .... ذاب الگلب ذاب
ليهسه عالباب .... انطر خبركم
مو عمت العيون .... والگلب مفتون
يمته تردون .... واشتم عطركم
**********
گلبي فرفح يالولي
لكل هلي وخواني
اشتاكيت بويه لعمتي
فراگ الگمر اذاني
خياتي مامنهن خبر
لاخبر منكم جاني
يابويه كاتلني القهر
لخياتي وخواني
شنهي ماجيت .... مره ابالهم نشدو عليه
والله حنيت .... ال عبدالله واختي رقيه
يا اغله الاحباب .... ذاب الگلب ذاب
ليهسه عالباب .... انطر خبركم
مو عمت العيون .... والگلب مفتون
يمته تردون .... واشتم عطركم
**********
يحسين دارك موحشه
ليش البعد ياروحي
امن ادخل لها اذكر هلي
اوبيها يكثر نوحي
يالبيك اشد جرح الوكت
بعدك غميجه جروحي
يابويه قلعه انا جنت
والدهر هد صروحي
ظهري مكسور ..... بويه فراككم هو الكسرني
دمعتي اتفور ..... واذرفها دمه لهسه بعدني
يا اغله الاحباب .... ذاب الگلب ذاب
ليهسه عالباب .... انطر خبركم
مو عمت العيون .... والگلب مفتون
يمته تردون .... واشتم عطركم
**********
يالغالي مو حقك دمع
روحي الك ابچيها
انذرها الك كونك ترد
بدربك نذر افديها
مشتاگه بنتك فاطمة
مرها بحلم حاجيهه
لحالتها ظل حتى الصخر
بعدك يون عليها
مرني يحسين ..... حتى لو حلم خليني اشوفك
عطشتك العين ..... ارويها يبو اليمه بطيوفك
يا اغله الاحباب .... ذاب الگلب ذاب
ليهسه عالباب .... انطر خبركم
مو عمت العيون .... والگلب مفتون
يمته تردون .... واشتم عطركم
**********
عالدرب بويه بعدني
انتظر ليه تجي
ازرعت درب الخذاكم
حسرة وعيون وبجي
بلوعه ودموع اعله بابك
اصرخ وصوتي شجي
والله سليت بغيابك
صرت عالنسمة انتجي
ارجعلي يابوي ..... ابعدك فلا احمل اذيه
اقسم انه عليك ..... ابجدك وبنته الزجيه
يا اغله الاحباب .... ذاب الگلب ذاب
ليهسه عالباب .... انطر خبركم
مو عمت العيون .... والگلب مفتون
يمته تردون .... واشتم عطركم
**********
ايست وكطعت ظنه
وما اظن ليه ترد
ادعي من الله بعدكم
بعمري كونه مايمد
شنهي دنيا بلا اهل
فكد الاهل يضهد ضهد
الدهر من يجرح جرح
بس الابو لجرحه يشد
جرحي ملجوم .... لفراگك يبن حامي الحميه
من غبت لليوم ..... صب جوره الدهر كله عليه
يا اغله الاحباب .... ذاب الگلب ذاب
ليهسه عالباب .... انطر خبركم
مو عمت العيون .... والگلب مفتون
يمته تردون .... واشتم عطركم
**********
عبدالله الشريفي
رد مع اقتباس
