العالم گبل چــــــان أيعيش بأوهام
وعايش بالظلام بــذيــــــچ السنين
لأن عمـــــره يخلصه يعبد اصنام
ومصنوع الصنم من تمر لو طين
وظلت جاهله بكل هـــاي الأفلاك
ياهو إلي خلقهه وصارت أمنيـــن
ونزلت هالرسالة مـــن السماوات
وصارت واضحه كل المضامين
مو هـــــاي السماء اگبال العيون
بس اهــل الكفر عالماضي باقين
بقت بگلوبهه مزروعه الأحقـــاد
ولليوم الحقد ظل بيهه عل الدين
وكــل روح بجسد تركيبة الناس
وسوه الباري روح أصبحت لثنين
وحتــــه ايصير واضح لليشكون
عاشت خالده وتشع لهـــل الحين
محمد والسبط همه أبفــرد روح
نهــر واحـــد تفرع صار نهرين
لأن رب الجلاله حاسب أحساب
عگب الروح هاي أتخل موازين
ويوم إلي ختم كــــــل الرسالات
والأسلام أصبح خاتم الـــــــدين
چانت بالسمه مرسومــه الأدوار
ومو هجره وحــــده لا هجرتين
جعل هجرة محمد نشر الأسلام
ويثبت الدين بهجــــــرة أحسين
سبط المصطفى تكليف اله بهاي
يعلم بالطفوف يعاني امــــــرين
ويدري بالعقيله وكــــــل العيال
مسبيين اكيــــــد واسره ماشين
ودم أبنه الرضيع الصعد قربان
ذبح عبد الله صار اگبال كل عين
تشوف الناس دمه ماوصل گاع
صعد يم العرش وأطهر قرابين
عله كرسي العرش هاي التصاميم
وبختــــــم السمه انخمت قوانين
ولو ما كربله وهــاي التفاصيل
تعيش الناس تبقه بين أمــــرين
لو حكم الظلاله وحكم الأصنام
لــــو تبقه الرساله أبين قوسين
رد مع اقتباس
..
المشاركة الأصلية كتبت بواسطة ♡ Zahraa Al obaidi ♡
