أتنفس عطـر بأيـــــــــــــام عـــاشور
ماشميت مثله أباقـــــــــــــي الأيـــام
وچني أسمع صهيل الخيل والـــريح
تسمعنـــي وحيف ونبــــــــل السهام
وأتخيل أگبــــالي مـــــــوذره أجساد
مـــــــن أنحور تنزف روح الأسلام
وصور لمة شباب مضحيه الأرواح
راحـــــــــــــــو للشهاده وكلهم أقدام
تجور الگاع عطشانه مـــــن الهموم
وعلـــه أجروف الفرات الآف ظلام
أنـــــــي أدري بالغيره براس عباس
السرايا اگبال عينه يشوفهه أقــــزام
وأرسمت أگبالي الرايـــــــه والجود
ومضات الزلال الصارت أحـــلام
مــــــــاي الجربه اكيداتحول دموع
والجــــــــود التهاوه بلحظته انضام
هزتني المشاعر شاعـــــــــر ايهيم
مــــــــن اتخيل أگبالي حرگ الخيام
روس اعله الرماح تباري الضعون
ومن لاح الدمع دم عــــــــد الأيتام
تاخذنــــي المصيبه والتهب غيض
مــــــو سهله العقيله شلون تنضام
هذي ملحمه ومرسومــــه الأدوار
وأتسلمت زينب دور الأعــــــلام
صارت مدرسة وتربـــي الأجيال
ونتعلم من الطف معنى الإلهـــام
يظل أسم الحُسين يدوي بالكــون
نعلگه اعله الصدور بأعظم وسام
رد مع اقتباس
..
المشاركة الأصلية كتبت بواسطة (ملاك الروح)
