تنعاب العكل لو حكهه ما مردود
المو رماي حكه من الحرب لو فل .....
ومو كلمن عتك حته برخص ينباع
السر شما عتك بلصحبه ينظف خل ......
ومو كلمن سكت بارد يضل متروك
البخور شما تكضه النار يحجي ايضل ....
وخيوط العمر لا تبقه بس معلوك
بلا عرفه الشمع بضلمه طوله يقل .....
طبعي اوي الاعزاز شما قسو علروح
اتناسه وعليهم ما اشيلن غل .....
بوكتنه الزين يبقه بلا ذنب مذموم
الجسر شابع مداس وهو يمطر ضل .....
وتعثرك الدنيه بلا خلك وياك
تبقه اعله الوجع والدمعه بيك تهل .....
جيبك لو فرغ شحت صداقه تشوف
النخله بلا رطب بيها الصفار ايجل ......
مكروه السجن ماعنده حك الشيب
كبحي بكل وكت حيطانه غربه دل ....
واليعزب تره مو اله ينخه الضيف
بلاملكه الجرف والماي بذنه يطل ....
رد مع اقتباس
..
المشاركة الأصلية كتبت بواسطة ♡ Zahraa Al obaidi ♡
