هنا

[أنثى حائرة]

مرحبا أصدقائي اريدكم تساعدوني اني بنت اعمل في محل صاحب المحل رجل وقلت لهم انه امراه صاحبه العمل علما فقط امي تعلم ولديه خمسه اخوه وهم مايعرفون انه رجل صاحب المحل وليس امراه والله رجل محترم ويعاملني كأبنته ويعطيني راتب مقداره ٦٠٠ الف شهريا ولكن عايشه في رعب خايفه لايوم يوصل خبر أو يشوفوني اني اعمل مع رجل وليس امراه ويقتلوني وحاولت البحث عن عمل اخر بلا مايعرف صاحب محل ولگيت عمل في محل اخر وبراتب ٣٠٠ الف شهريا علما صاحبه العمل اامراه وأود ان اترك صاحب المحل الاول للذهب للثانية فكرت حرام أسوي رجال مامقصر وياي ومحترم وثاني شي امي رفضت عملي بالمحل الي تمتلكه المراه لان راتب ضعيف بس اني أفضل ثاني وبراتب ضعيف للتخلص من رعب والخوف من اهلي اريد نصيحتكم اصدقائيً لو سمحتم

[هــاجــر]

راتب قليل.. وعيشه هنيه.. خاليه من الرعب.. والتفكير والتوتر..الي يهدم العقل

حبيبتي ..روحي اشتغلي وي صاحبة المحل افضل الج.. او تكدرين تخبرين اهلج وتعرفيهم ع الرجال ..مثل مكلتي انتي رجال كبير وطيب ويعاملك مثل بنته.. ممكن يتقبلون الفكره..

اما رفض امك.. بشأن الراتب القليل.. مخطأة جدٱ… باجر اذا عرفو اهلج واخوانج محد ح يوكع بيها غيرج انتي ممكن تنحرمين من هواي… اشياء.. وانتي ادرى بكل شي

اتمنى تلاكيلج حل..

[fairy touch]

السلام عليكم ...
عزيزتي ...اعتقد حان الوقت ان تتخلصين من هالحمل الرهيب ...بمعنى اخوتچ لازم يعرفون .
هسة شلون نگوللهم بدون ما نعصبهم و نسوي مشكلة.
اول شي صارحي رب العمل بموقف اخوتچ ..و گوليله انه انت مرتاحة بشغلچ وياه ..و هو رجل صالح و ما مقصر ..بس انت هاي مشكلتچ ..انه اخوتچ ما يريدون رب عمل رجل ..و انت كذبتي عليهم و بلغتيهم مديرتچ امرأة.
گوليله انه انت رح تبلغيهم انه تغير صاحب العمل بالجديد ...و صار رجال بس هو رجال چبير و خير و يريد يشوف اهلي حتى يتعرف على اهل اللي دتشتغل عنده ...و بهيچ اذا هو وافق ..بلغي اخوتچ بهالكلام ..اذا وافقوا انه يجون يتعرفون عليه ...كان بها ..رفضوا تماما فهميهم انه الراتب حرامات ...كولش قفلوا ..روحي اشتغلي يم المرأة و اخلصي ..لا تعيشين برعب ..الدنيا متسوة ..هذا رأيي و فكري بيه و شوفي مناسب او لا .
و من يتق الله يجعل له مخرجا .
الله يسهل امورچ و بالتوفيق .

[لؤلؤه ميسان]

رأي لدكتوره فيري جدام ناسب لك

[كرار الحسيني]

اختي العزيزة يجب مصارحة الأخوة وأعلامهم بمكان عملك في حال تعرضك لمكروه لاسامح الله وانتي أعلم بذلك لا أريد أن أكتبه فالمعنى في قلب الشاعر
ولهذا الأمر يجب ان يعلموا في حال احتجتيهم لأن حبل الكذب قصير وفي حال كشفوا ما تخبئين عنهم يتكون العواقب وخيمة معك ومع رب العمل وانا شخصياً أحب ان اتوجه بنصيحة لكي أختي احملي دائماً معك سلاح يقيكي من شر هذه الدنيا
ونسأل الله ان يوفقنا لما هو خير