يبنيه عود شلونج
چم فدوه راحت يم شگار عيونج
ودتني امي تكول كون تقبلين
بالبيت يمنه تعيشين
وتگول يم اهلج بعد لاتبقين
وحتى اني اذا تردين هم ما أبقى
طالب ويا دوب اشتغل
جمعت مصروفي وجبتلچ حلقه
اي والله كون تقبلين ماريد بس مروتج
زلمه شكبرني و خفت منج بس ليش
هو انتي هلگدوتج
عوفيني وابقي وياي واعتبريني واحد ثاني
بالبيت غرفه تلوگلج بيهه اني
ناذرلج اسجدلج نذر يم الباب
ناذر اجيكم شايب وارجع شاب
ناذرلج اذبحلج عرس ع القبله
تدرين مارتاح بس الگه ثنين
لو اموت يمج لو البسج بدله
يوجه المستحه بعينچ
صيحيلي واهب نسمات اذوب سنين عشرينچ
واجيچ بشوگ
شوگ الطير من يغفه بحضن عشه
واسيرلچ ندى إعله اشفاچ كل غبشه
واطشرلچ شكو بروحي غزل عذري
شتگولين ؟؟!
اشمن رگبتج واطيچ حفنه سنين من عمري
فكيلي شكو مستور ماشاف الضوه مره
ولا جايس هوى بعمره
منين ابديچ وآنتي بلا ضوه گمره
يل بخصرچ الف موضوع
اليريد يفوت بماي الورد يتوضه ويطب يقره
اليعض اشفايفچ كفره
تبوس خدودچ بكل ليله الف هنيال الوساده
وين الله واصير بصدرچ گلاده
والزگ لزگة الحنه
واشمنه
واگلله الرحيق البيك ابد ماينشبع منه
رد مع اقتباس
...
المشاركة الأصلية كتبت بواسطة moslem khanaqeni
