شهگ ليل الموادع
والحچي المبيوگ لم صبره
وبرد جرح الزعل من طال
لو تيزاب ...هم يبره
اشلعب بيّه الحنين اعليك
لايعذر...ولاعذره
حسبالي ابعطش گيظين.. كلشي يموت
شو مات العطش وهروشك امخضره؟
تعال انشتّم الماضي
وتعال انجدّد العشره
إذا حج الحنين ايعوگ
ارضه اتطوفني ابعمره
تعال...الواهس البيّه طبگ عيدين
متحنّي ابعرس سمره
يخايب والسنين اركاظ
عجّل...والعمر عبره
لو تلحگ نِدَه ال بشفاي
لو توصل ولاگطره
تعال انجدد العشره
وتشوف اشظاملك عبره
وريدك ياهوه العشرين
يامعضد امغاوه الماعتگ شذره
وفرزن عطرك امن ابعيد
مبخوت المفارگ ينفضح عطره
تعال...انحوك ثوب الراح
بمعاتب رشيح العين مو ببره
تعال انجدد العشره
منقول
رد مع اقتباس
