الشاعر عبد الوهاب الحمداني
مواليد 1990
.
.
دكتوراه في الادب العربي
..من سكنة محافظة ذي قار
مدينة الحب والشعراء
هو شاعر في قمه الانسانيه والشعر لم يكتب اسمه في جمر قوافيه ولكنه قد حلق في سماء الابداع حتى اصبح غائبا عن الانضار الا انضار الشعر فكانت تنضر الى حداثته
قصيدته المفضله لقلبي
(وره عيؤنك)
.
.
. وره عيونك ذابله عيون المدينه بلايه ناس
وذابل وياهه الورد والگاع وشطوط السوالف والنعاس
يل خذيت وياك رب الماي وانجيل النده ودين الگناطر اشلون الوحك..؟؟!!
رب المشابگ بديك وانته كافر شلون اجيك ..؟؟
ودربي شوك وعقلي حافي
وكلبي ماكلته الضنون ابلا ضوه عيونك نعاس وكلشي غافي ....
يا تواليك ذنب قابيل مامن عنده توبه..
ويا طواريك سوالف ليل الحصار العثر الوادم هذيچ بلايه حوبه...
حيل وي جروحي عذبني برضاتك حط ملح روحك عليهن وستر ذنوبي بعباتك ...
انت يا اول ضريح اول ضريح ذنوبي تكثر من اطوفك لاهي حاجة عين مفطومه اعله شوفك
ولاهي رغبة عشگ يستاهل چفوفك
ولا انت ابالي واگول النيه بيضه
و لا انت الراكب اعنان الطيش حت اگدر اعوفك..
مدري ياهو النزلك يم گبر جرحي وانته اول واحد العندك عنب يترس طيوفك..
مالي حيلك ريحك تسودن رماد جروحي مايحمل عصفهه
طشرتني وعلمتني الشوگ مثل الريح مانندل وصفهه الشوگ ياخذني دوه الـ اخر نزيف وارجع حچايه ذليله بغير دم ...
والگه صوتك الگه صوتك يستحي يكشف گذلتي او ينشتل بالروح هم
.
.
و تكبر ولايات جرحي الماعرف يمك ملامه او لا ندم وانتشيك انتشيك الخوف ياخذني واجيك بلهفة ام
وتلتف اعله الروح صفصافة حزن والعين غرگانه هظم وامتحن يم باب عينك من يمر رمشك سؤال
.
واشتهي النجمه التغني زلوفك بطاري الشتال
ياسنين النعمه مابيه دلال مالي حيل الشوگ ياخذني وارد بلا حبيب..
.
و مالي حيل الناس من تشوفني تگلي غريب
.
.
سچة العشاگ مابيهه وداع
وحصة العاشگ چفن كونك شجاع..
انت ماتندل جميل ومن يغني تنام بزلوفك بثينه
و لاعثر قيس اعله سچه اوياك يم ليل المدينه
شلون مدري شلون خاويت النده وسولفت بينه ..؟!!
شلون مدري شلون خاويت النده وسولفت بينه..؟!@
ومن ابداعاته قصيدة (ليلة كدر)
و(انجيل النده)،(ضحكتيلي)،(هلاهل)
موودتي
رد مع اقتباس
