حب من أول نظرة
حب من أول نظرة
أول نظرة انك تعرف اشصار
وكف عقلي بجمالك ونشغل بيك
أدور بالفكر عن باقي الافكار
طلع فكري اقترب منك يحاجيك
أنصدم من جان يمك كلك أسرار
وانكشف لغز المحير مرتبط بيك
وكف شاعر يردد كل الاشعار
رسم صورة اقترب لك ما وصل بيك
ولأن قلبي يحبك اني محتار
ما أريدا ازعلك لا أذيك
واذا رايد أزعلك اني مجنون
ادز قلبي أفخر منه يراضيك
ويالي جنك ورد متعلي بالسيقان
وفوكاهة النحل يمك يهنيك
يطير عليك جنه تكول ملهوف
ويحاجيك بغزل تدري يسليك
يسولف عن جمالك هو كل ساع
ويميز من نظرتك ياحلو شبيك
ولأن هو يعرفك اكثر الناس
قلبي واني اعرفه ما يخليك
تعتاز البشر من توكع بضيك
يصير ألحال والمحلول ويجيك
واذا شافك حزين وحيل تعبان
يضم حزنه على حزنك من يواسيك
رد مع اقتباس