الشاعر أيهاب المالكي ،
هذه بعض المعلومات عنه جاءت في احد اللقاءات:
نحب أن تعرفنا بهويتك الشخصية ؟
أيهاب عبد الرضا بدهان المالكي مواليد 1978 خريج إعدادية الكندي في الناصرية ، متزوج ولي طفل واحد اسمه حيدر .
.
كانت بدايتي مع الشعر الشعبي تقريبا في عام 1995 انتهت في عام 1997 إلى جمعية الشعراء الشعبيين في الناصرية التي انتهت هي الأخرى بعد التحولات الأخيرة ، كنت حينها بصفة شاعر مشارك والى حد ما كنت اصغر الشعراء سنا ولم احصل على فرصتي حينها وذلك بسبب دخولي في رحلتي العسكرية المريرة التي عانى منها كل العراقيين ، بعدها شاركت في عدة مهرجانات شعرية محلية وقطرية ، حيث كانت البداية هي مدينة الناصرية ، كنت احلم في البدء في رحلة البحث عن الجمهور الواعي المتلقي للقصيدة الشعبية ، حيث كان لي الشرف في أن أكون احد مؤسسي لاتحاد الشعراء الشعبيين في الناصرية .
.
شاركت في مسابقة نجوم الشعر الذي تبنتها قناة السومرية..كان خط سيري في المسابقة يليق باسم مدينة الناصرية ، بحيث استطعت أن احصل على لقب نجم ألحلقه في كل مراحل المسابقة ، وانتهت المسابقة وقد كان لي الشرف أن احصل على نجم الشعر الشعبي العراقي لعام 2008 .
........
قصيدة :اثاري العش عذر للما يعرف يطير
اني من الجرح ياصاحبي تعافيت
عبرتني المنيه ويومها تبدل
لكطت السنين ولحكت ع الظال
رحيت المصوفر كبل لايذبل
تانيت امنياتي الما منعسة تنام
حتى اكدر بسكته من القيود افتل
عفت بيت ابوذية على العش مكتوب
كلبي بفركة الخلان وجناح
وبديت انحاز للشمات وجناح
صدك خليتني ريشات وجناح
لكن صفك جنحي لما ردت ارحل
صفك جنحي لحد غيمة
عفت ذاك الغصن هيمه
عمر وياك ادور حل
جبيرة السما وين اسال
اخاف اشرد ومااندل
الا ان قررت حسيت عمري الضاع
شفت الطير ثاري من يطير اسهل
اثاري العش عذر للما يعرف يطير
اكول شبي الشامت مايريد ارحل
حركني الظن مثل لعبة الغميضان
وره حايط الشوك بلوعتي اتختل
جنت الخاطرك تحلف بخلكي الناس
انازع واليمر يشوفني مدلل
حكت لاغلاطك بنصين كلبي اعذار
ترفه تغار منها حياكة المغزل
اضوكك بالجفن واستطعمك بالروح
واجمد ابعدك وبهواك انحل
مدينة ظني تشبه دولة افلاطون
شفتك بيها فكره استبعدت تفشل
طيني اتغلب بقوة على نار ابليس
تغلط واني اشوفك بس اكول اغفل
واتلمس جفونك لمسة المكفوف
اريد الكالي دمعه لو جفن مبتل
واتركك واسمع بعزتك تصهل خيل
خطوة تكلك امشي خطوة لاتنذل
وانه غيمة برد مابيها بس فياي
انطي الشمس ظهري وانجوي اتحمل
مرات اختنك لمن يجيني الليل
افك شباك صدك واوكف اتأمل
صياد احس روحي والنهر وشل
اشوفك جاي ليه واركض اتخيل
اوصل للنهاية وابتدي من الاول
اذا رفضت ظنوني جيتك ع البال
اغافلهن واكلك ماعليك اقبل
اغافلهن مغافل روج بالراس
اعلى نيتي وثاري طبع الذيب بالراس
العكل شيفيدني ومتروك بالراس
ول كلبي ليه الراي والشور والحل
يومن بدونك كنت اكظيه مكسور
تبطي الدقايق فيه والوكت يثكل
روحي بجنبك مثلت شاهد الزور
والحك من صوبي لصوبك تحول
كنت ارتجيك تكون في ظلمتني نور
وليلي في روحي بالبعاد طول
لما تركتك صاحلي الشوك معذور
والحب من مهر الاماني ترجل
عفتك بس احس مدري شنسيت وياك
واطمئنان روحي والامان اختل
اخاف من الندى والورد مااثق بي
اذا بلبل يغرد نار يمه اشعل
وراك الماي صافي والنجوم احجار
خصر الشمس منه شفت ليل انسل
نسيتك والتعب جف اليفك الباب
احس لوحة بحياتي بفركتك تكمل
وانه وصيت كلبي وكتله كلشي يهون
نوط جروحك على الروح شكله
ياكلبي وسبب ذل الطير شكله
منو يعرف النوم شلون شكله
لان لاشايفه ولامار بيه
رد مع اقتباس
المشاركة الأصلية كتبت بواسطة ̲M̲u̲S̲h̲T̲a̲Q̲
