ولد الشاعر زامل سعيد فتاح عام 1941 في مدينة الشطرة التابعة لمحافظة الناصرية،وفيها أكمل دراسته حتى أصبح معلماً للدراسة الإبتدائية فيها. بعد فترة من الزمن وعند تعرفه على الملحن طالب القره غولي إنتقل زامل إلى بغدادبتشجيع من صديقه القره غولي الذي سبقه إلى ذلك حيث كان قد عُين معلماً في إحدى مدارس قضاء المحمودية أحد أقضية العاصمة عام 1970.
ومن خلال تعايشه في بيئة ريفية فقد منحته احساساً مرهفاً مملوءاً بالصدق وكان له صوت غنائي جميل لكنه اخذ بنصيحة صديقه وابن مدينته الملحن طالب القره غولي
بأن يستمر في كتابة الشعر لانه شاعر ذو خصوصية لايملكها غيره من الشعراء.
.....................
قصيدة حاسبينك ..
حاسبينك .. مثل رمش عيونّه
بعشرتك لينه
معاهدينك .. وانته كل العمر
وأيامه وسنينه
وداعتك ذاك انته غالي
حبيب وسلوة حچينه
انته روحي ..
وروحي جم حب تدري بيهه
حبها للكاع المشيت انته عليهه
حبها للمزنه الروت خدك سكيهه
وحبها للناس التحاجيك بحجيهه
حلوين ..
بوجوهم فرحة الدنيه الضاحكه
حلوين ..
بعيونهم ملكَه أحبه مفاركَه
العين لو شافت وجوهم باسمه
تشع بسعاده
والكَلب برياضهم فراشه بالحب حالمه
وطافح وداده
عاشكَين احنه وهوينه
ومثل ما ردنه لكَينه
وحاسبينك ..
انته خليت السوالف .. طافحة بروحي قصايد
وانته علمت الشفايف .. بالغنه تصوغ الكَلايد
انته .. يا انته وغرامك
وشكبر روحي بسلامك
همه روجات الفرات .. العاشرت فَي الشواطي
همه دجلة ومن دلاله .. يسيب ويه الكمر غافي
حلوين ..
صابغتك من الغروب خدودهم
حلوين مثل عشرة رازقي ..
ويه الندى بعهودهم
وحاسبينك
من هويتك....
لمت روحي الما هوت بسنين صغري
وهيچ اثاري؟
الحب حلاته يشع سرور ببين صدري
ياغرامك
مثل طعمه روحي ما ضاكَت سعادة
الدنيا حد الشوفحلوه
والكَلب ينثر وداده
عيونكم تبرالي نجمه
تدور بيه شما تريد
طافت بروحي حنان
وكَرّبت مني البعيد
الدنيا حلوه
الناس حلوه
والوطن باسم سعيد
عاشكَين احنه وهوينه
ومثل ماردنه لكينه
وحاسبينك
زامل سعيد فتاح
رد مع اقتباس
المشاركة الأصلية كتبت بواسطة صفاء العامري
