الشاعر مهند العزاوي
هذه القصيدة اسمعها في اليوم اكثر من 2 مره
هل يا تُرى
هل يا تُرى ؟
لو مت انسى ماجرى ؟
هل يا تُرى ؟
لو كان عندي غيركم قلبي اليكم ما سرى ؟
هل يا تُرى ؟
يحتاج مني كرهكم قلباً قوياً ثائراً وتمرداً وتجمهرا ..
ها قد افأضت أجفني والدمع منها قد جرى ...
والدنيا ضاكَت والنفس باقي على كَد الحسرة ...
فرحان داويت الغصن ثاري المرض بالشجرة ...
مرت سنين من العطش ...
مو شفتي روحي تفطرت ومتاني حبكم كَطره ...
وما كَلت ليش اتعذبت !!
جنت ادري اليحب من صدك يرتاح بس بكبره ..
وصار المعارك بالحجي ..
وبين الضجيج المرتفع فرزنت منكم نبره ..
حنيت كَمت اكتب شعر ..
ديوان كامل بس غزل ..
كملته وانطيته الشخص لايكتب ولايقراءه ..
أمست جروحي معطفاً ..
وأحتل لوني نزفها والحزن بي قيثارةً يُبكي جماداً عزفها ...
صارحتكم بمشاعري وأزداد فيكم صدها ..
لو كان فيها كذبةً ما كان منكم ردها ..
مو صوجكم طبع البشر يرتاح للي يغدره ..
لو غاب يومين الرمج يشتاق ويفك صدره ..
وجيف اني احبكم من صدك ..
وبروحي شايلكم عشك ..
مل غيري منه عيونكم وأني بحسرتي النظرة ..
وشكد اجو رادوني احب ..
علمت كَلبي وماعرف ..
يعني اني احبكم من طرف واحد وصنت العشرة ..
وشكد فضول اتحملت و وجوه مابيها طعم ..
واني بكثر ماغيمت يرعبني لون الكَمره ..
مليت وكلش من صدك و يبست الروح الخضره ..
احتاجُ بيتاً هادئاً ..
احتاجُ بيتاً هادئاً يوماً اذا فيه ارتمت ينسمع صوت الابره ..
احتاج صدراً واسعاً ما عاد صدري يحتمل كسرت ضلوعي العبرة ..
وبالضحكة حيل استعجلت فرحان داويت الغصن ثاري المرض بالشجرة ..
وهذه ايضا
مدري ليش أرتاح للوجه الثكيــــــــل
ومدري ليش يروح وأبقى مناطــــــره
انا عكس الناس أموتن على القليــــــــل
والمصيبه هوايه أعوف لخاطــــــره
وحيل كاعدلك يبو أحساس البخيــــــــل
كعدت الجف على وجه الساطــــــره
والله مـــا اكدر أعــوفك مستحيــــــــل
شـــلون اصوم أكبال عالم فاطــــــره
كبــــال بيتك ياحمد شميت هيــــــــل
وصوت كهوه ودمع ناس مسافــــــره
مـــن كثر ما أنتجي وما بيه حيــــــــل
صاير أنسى جفوفي فوق الخاصــــــره
صـاير مــن أبجــي عليك بدنيا ليــــــــل
ثــاني يــوم تكــول يــمكــن مــاطــــــره
جــنت اظوج و أزعل و أتمنى اعيــــــــل
لاكــــن أعـــرفها مشـــاعر عابــــــــره
من تجيني بكلمه وحده تفرني حيــــــــل
ســبحـــه وفتـــرت بصــابع كافــــــره
والله لــو ما احــب فلا يكدرلي ليــــــــل
ولا بجيـــت ولا بقيـــت بساهـــــــره
ولا طحت يمك مثل طيحت دخيــــــــل
وجـــان فــاركت التتــن لمعاشــــره
بس الي يحب بجذب لو شي قليــــــــل
مثــل الــي يسب الشريفه الطاهــــــره
جنت يمك خيط بس اطخني اميــــــــل
وانــت تشمــت بكلبــي الكاســـــــره
حيـــل بيه كــون اكضيه ذليــــــــل
شلـــون اصير حجاب يم السافـــــره
تحيتي
رد مع اقتباس
المشاركة الأصلية كتبت بواسطة دانيــال
