الشاعر نهاد الخيكاني
هايكلبي
نهاد الخيكاني
هايكلبي من الطعن عاد اكتفيت
هسه زينه احوالك بهل مستوه
هاي ناس معلمه تعيش بضلام
وجبت عمرك تنكل عليهم ضوه
غير كلشي الينطي يأخذ بالحياة
حتى سم الحية بيه موت ودوه
ادري تمرك مايغزر شئ عجيب
اني ادري بكاعنه تملح النوه
فوك صدرك دوس داسو مو حفات
الأمس عدهم جنت أقدس من طوه
شاترف من الماي هم يصيبه غيض
وغيض عين الماي والمعول سوه
الماي من تكعد على صدره الجبال
يضيك صدره ويطلع يدور هوه
هايكلبي تصير لك عبره وتتوب
انه اعرفك زين ماتصبر ترد
شافو بدربيلهم تطلع قريب
داروا الدربيل خاطر تبتعد
ولأن يدرونك ندى وباجر تطيح
خضرو عاكول ماصاروا ورد
انت لو كلبي وتضل سيد هواك
صيح بيهم لا تضل عايش عبد
لايطب روحي ليشوف بروحه سيف
كلب تحت ضلوعي ماشايل غمد
وعود لايوكفلي باجر من اطيح
بروحي حمزه يموت من وكفة هند
اليريد ارجعله ينفخ بيه رووح
ماكدر خل يكتفي بماي الورد
من يرد قابيل يلعب وي أخوه
يجوز ذيج الساعه أفكر بيه ارد
رد مع اقتباس
المشاركة الأصلية كتبت بواسطة ♡ Zahraa Al obaidi ♡
