كاظم اسماعيل الگاطع
شاعر شعبي عراقي يعود بجذوره إلى محافظةميسان في العراق من مواليد 1950 م في بغداد. خريج الجامعة المستنصريه كلية الاداب قسم اللغة الإنكليزية1974 م. يحمل شهادة الماجستير في الأدب الإنكليزي من إحدى الجامعات الهندية. عضو جمعية المؤلفين والموسيقين العالميين(باريس) عضو الاتحاد العام للشعراء الشعبيين في العراق ورئيسه في دورتين انتخابييتين عام 1993 و 1994.
_شارك في مهرجانات عديده
_كتب اكثر من 500 اغنيه للمطربين
_يمارس العمل الصحفي منذ عام 1970 الى الان.
(،قصيدة ) ما مرتـــاح -
للشاعر الشعبي كاظم إسماعيل الكَاطع
ما مرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه ويه الزمن ورجعنه مكسورين
وبعيده المسافه وينـّـسي اللـّي طاح
ما مرتـــــــــــــاح
لأن شفت الشمس نزلت تبوس الكًاع
وبكف الطفل تنلاح
ولأن قاضي البلابل مدّد التوقيف
ومفتوحه السِما
والفيل عنده جناح
ما مرتـــــــــــــــاح
لأن قفل المحبه إنباك
وِترهـّــم عليه مفتاح
ما مرتــاح
متروك بجزيره وتيــّـــهت بالليل
وإجو ربعي عليّه بقافلة أشباح
وإنته إشبيك
لمّن دافعت عن نفسي صابك غيض
مو حتى الكنافذ من تحس بالخوف
تستخدم جلدها سلاح
ولا جنّ الفجر مثل الفجر محبوب
لون الفجر صاير يقبض الأرواح
ما مرتـاح من ربعي ولا مرتاح
تمساح إبنهرهم صاحو من الخوف
وجازفت بحياتي من سمعت إصياح
صارعت المنيّه وبيده هزني الموت
ومدمــّــى إطلعت
صفـّــكو للتمســــــــاح
كل هذا وتريد أرتاح
ما مرتـــــــــــــــاح
ما مرتاح من ربعي ولا مرتاح
نادوونـي.. وركضت إبليــل
إيد الرسن بيها وإيد بيها سلاح
عثرت مهرتي ... وربعي قبل ما طيــح
واحد كـــــال للثاني
أبشـــــرك طـــــاح
أبشــــــــرك طــــــــاح
رد مع اقتباس
المشاركة الأصلية كتبت بواسطة ♡ Zahraa Al obaidi ♡
