عساها بحظه وبخته الرماها
شمعة بيت المصخم طفاها
اذا هيج انته زلمة تعنه لهناك
اوكف عالسواتر مو وراها
عمت عين الوكت لنطاك شاجور
ناس اللفتك من امداها
مابيكم نفع بس هوبزه وموت
زلم بس للفصل والدم لحاها
اشو وكت الزياره الزلم حفاي
ومشيتكم للحسين شحلاها
وحق هو الحسين تبره الحسين
منكم يا بشر مدري شجاها
عراضه لو عرس لو عركة اطفال
زلم وبلا عقل والشر عماها
تبيع الاخره بسعر الرصاصات
والحسين بدمه اولاده اشتراها
العتب مو عالعتاوي العتب عالنام
إعله كرسي الحكم ما تابعاها
حكومه وكلشي بيهه لهذا ولذاك
أنهبت گاعنه وصفنت سماها
إذا قانون ماكو استلم لوعات
مصيبه التعتني وحده بگفاها
أكو ناس الضمير العدهه معدوم
هتلر والمثل هتلر دواها
حرية اعله بختچ روحي منا
عدنه اشخاص دونچ مستواها
رد مع اقتباس
المشاركة الأصلية كتبت بواسطة عامر رشيد
