- أذا تگعد توزع حب عالنسوان والدوري الأسباني وحتى الحشد هم خلي لمريتك شوية خطية مو بس گاعد توزع "أتفق، منورة خيتو" على وين ماكو حساب وردي يكتب رأي متحرر ومرتك ماتگللهه صباحچ أگشر وصاير عليهه سبع السبمبع ترى مثل ماأنت تعرف تخون هي هم تعرف وطريق خيانتهه أسهل من طريقك بهواي وحق عيونك الحول الماشايفات وشافن وذيج الساعة من تخونك ترى لات حين مندم بعد عمك..
- عيني بناتنا ديرن بالچن على أرواحچن بالسوالف والمسامر ويه الزلم ترى الخاص مو غرفة نوم وكلش زحمة عالبنية يسولوفن بيهه أثنين بگهوة لو بماسنجر لأن تصير لطخة سودة بقميص أخوها..
على هامش المنشور العدسات والميش ضيعن الشگرة من الملحة لأن الوادم كلهه عيونهه خضر تگول بزازين الله ومعاف!! ترى الجمال مو عيون خضر وشعر أصفر لاعيني الجمال مسحة مال شرف تصير على جبينج سواء چنتي سافرة أو محجبة يقراها أي زلمة حصيف رأي ويحترمج أحسن مايهوسولج الشعارة وتفوتين زايد..
وكفى الله المؤمنين شر الطلايب
موفق بن حيي ساجت.
