الوطن عنده عتب كبر الجبال ألبي
وجبال المعاتب منه مسموحه
مجروح الوطن وجروحه تنزف دم
ونهرينه تون من شدة جروحه
من زاخو لعد بغداد والبصرة
صارسنين ينحب مابطل نوحه
الوطن يبچي الحضارة وضحكة الأطفال
الباگتهه الليالي وهي مذبوحه
الوطن يبچي اليتامه الماتنام الليل
سهرانه تضل بدموع مسفوحه
الوطن يبچي الأرامل يبچي للمظلوم
وأظن حگه يصيح بجمره مجدوحه
موكافي ذبح موكافي هل تفجير
موكافي تضل جروحي مفتوحه
موكافي العراق يضل يصيح بصوت
وينه إلي يگوم وينهض بروحه
أريد ابن العراق الماتهزه االريح
يهز تابوت موته ويكسر اللوحه
لان گلب الوطن مجروح من أسنين
وعيون الغدر عالشعب مشبوحه
هانت ياوطن راحت ليالي السود
ونكشفت ألغمه وگامت الصيحه
ابشر ياوطن شعبك يصيح بصوت
اجتك زلم عدهه صدور مشروحه
دوس أعله المنايه وماتهاب الموت
واحدهم الك مايبخل بروحه
ياخذ ثارك ويفني الذي يعاديك
ودارك من جديد يشيد صروحه
شعبك ياوطن رغم الجروح ألبي
ورغم كل ذيچ الأصوات الكلهه مبحوحه
يضل اسمك عراق شما تمر سنين
فخر كل العرب والقصة مطروحه
لان بيك الوصي حيدر علي الكرار
وبيك أنوار ألاه ومنبع الدوحه
رد مع اقتباس
المشاركة الأصلية كتبت بواسطة ضياء المالكي
