شفت لمة شباب أكفان متوشحين
وبيديهم بنادق والرصاص أشكال
زلم هاي الشباب مبينه بالرايات
ومعصبه بخرك والخرك چنهه عگال
مكتوبه عليهه ياعلي لبيك
وشفت راية نصر خفاقه بيد أرجال
عاليهم عزم يرعب ثنايه الموت
واحدهم خياله يسابق الخيال
يغزل بالمعارك غزل من يفوت
لا داعش يصده ولاحچي الدجال
هذ ابن العراق وثورة العشرين
قائدهم علي حامي الحمه المعروف
الصار بكل زمن بي تنضرب امثال
لمثل هيجي زلم خل يشهد التاريخ
وتخلد فعلهم نضرت الأجيال
حشد شعبي هذوله ورفعت راس
ثلت انعام منهم والنعم من گال
اسود الرافدين وللوطن حراس
ولد الملحه واحدهم يهد اجبال
رد مع اقتباس
المشاركة الأصلية كتبت بواسطة ( ملاك الروح )
