انزف ياقلم وتخطة حجر الصوت
اخذ من عمري حبرك والشعر ورقه
ركز بلصحيفه او وجد اللجمات
تلكه امال تدمي بكل سطر فرقه
اذا رايد مراجع تشهد اللحظات
مجلد للحزن برفوف كل نظره
تجول بمكتبة كلبي وخطاك تدوس
طبع هسه وقديم جروح مخضره
لا تخجل بديه والك عهد احرار
اصيرن شاره الك وتصيرلي حضره
غتصب خدي الدمع وتجاسر علجيد
عمت عين الحفرله خدود من حبه
اخذني ولاتخليني بمهب الزيف
بسد نسمة ترافه وهمسة امحبه
تبنيت التقيه وغازليت الليل
واثور بكل نفس لعنه بأثر سبه
صور بالقوافي الي جرعته بلون
وردي سمعت بسمه وماورد شربه
بطعم مايعثر بشفتي واغصن بي
ولا يرفس بروحي وذبحته الغربه
طغه المر وافتره وتبدت الايام
غليل الصبر يروي بظمة التربه
يمكن يخترع لو شاف ملك الموت
يخليني بعذابي وينفذ ابجلده
جم موته المتتهه ومن افز يعود
يطك علج البطر ويخرمش بخده
سولف ياقلم لاتخجل اترجاك
تره بس الذليل تغيبه السكته
واحذر من خطاب بلا سند مذكور
بحجة ضحكه صفره يصوغلك نكته
واشجب وضع واهي تفبرك بعنوان
يشدك للندم بس ينكضي وكته
ـــــــــــــــــــــ
للشاعرة ايمان رسول الكوفي
رد مع اقتباس
