يالصفنت اعيونك گمر ليلي اشتهاك
تحلم انجوم الخلك توصل سماك
من يمر حسنك عله الاخرس يصيح
ولو خطف عطرك عله الاعمه اشتراك
حارت ابوصفك قصايد بس نويت
وبيك يابيت الاكتبه ابالي راك
عطش عطشانك يزم زم مشتهيك
تاخذ اسنيني أجر لوكتلي هاك
ينتشي اليل اعله متنك من يطيح
والشمس تخجل لون تلمح لضاك
يستحي الصندل يقارن نفسه بيك
ويخلص البردي نوايح طوله ذاك
امرهدنه الخطوات ماتعرف نشاز
وتخجل الغزلان من مشيت غواك
ابثغرك الرمان والجوري استجار
وبيك داخ الكرز من كرب شفاك
يانده وقداح يا كاس ومزاج
يارهاوه گيض يالداير رباك
لمني بعيونك دمع رايد اطيح
فوك وجناتك واغرگ مستحاك
ابراحت ايدك راحتي اندارت تعال
كظني رك جدمي وتوهدن حيلي ذاك
يانده الغبشه وترف لمحجلات
الجوري يستاحش لون يفگد شذاك
من خيالك تاهت افكار الخيال
وبيك دنگ كل حسن ظن اعتلاك
ياصعب سهلك لغز فهمك جواب
يادروس المافهمهن من قراك
يامنه وغايه وحلم للعاشگين
منك انته انتهه الاول ما بداك
بقلمي....محبتي للجميع.
رد مع اقتباس
