- شبيك گالب وجهك .؟
- عندي مشاكل شوية
= انت ضايج مني .؟
- لا لا شوية مشاكل بحياتي عادي
= لا شكلك ضايج مني
- يا حبيبتي والله ما ضايج منچ
- گالب وجهك هيج معناها ضايج مني
- ولد صديقي سوة حادث البارحة بس .. ويتوقعون كسر بالجمجمة ونزيف
= لا هذا مو السبب أن انت ضايج مني
- يمعودة صديقي هذا چان راكب سيارتي، انطيتهلة طلع بيها زفة وأنگلب من فوگ الجسر
= زين وانت ليش زعلان علية شعلية اني .؟
- يا بنتي انتي مو محور الكون والله، عادي والله اكو شغلات هواية تفرح وشغلات هواية تغث الأنسان
- يعني زعلان مني
- أبوية راح يسوي عملية ثقب بالقلب
- والقلب زعلان مني .؟
- بطلت من شغلي البارحة وراح اگعد بالبيت عاطل
= بطلت بسببي فزعلان مني .؟
- والله ما زعلان منچ .. ابوس ايدچ ارحميني
- مو انت متصير هيج بس من تكون زعلان مني
- اني بديت أحس بصداع
-صداع مني .؟
- لا لا تقريباً من الضغط
= مضغوط مني .؟
- لا الضغط .. المرض .. مخنوگ
= مخنوگ مني .؟
- مرض يا يمعودة مرض
= اني مرض .؟
- ضغطي عالي
- عالي مني .؟
- ابوس ايدچ والنبي راح ابچي
= ليش تبچي .؟ .. زعلان مني .؟
- والله لو زعلان اگلچ .. ابوس ايدچ اني داموت بالبطيء هنا
= لا هاي مو حالة واحد گاعد وية حبيبته غير يكون فرحان، انت اكيد ضايج
- اي أني صحيح اني ضايج
= ضايج مني .؟
- اترجاچ
= لا ماعوفك الا تضحك
- هيهيهي .. هيهيهي .. ضحكت هوووي هووي
- اي اضحك وأفرح ماكو شي يستاهل، فدوة الك اي شي
- يلا الحمد لله
- اهدئ شوية
- حاضر
= گولي هسة ليش چنت زعلان مني .؟
رد مع اقتباس
