يا الخاينة والغدارة _قصيدة
مازال داير النية... وحطيت فيك لمان...ماضنيت تخون و تنكر
حاسبك مولاة مزية... وترويني بالغرام...عطيتك قلبي و لعمر
و اليوم لعبتها بيا... و خليتني حيران...و انت زايدتني بالنفر
و انت تمثلي عليا... محليتني بالكلام...بالحلاوة مع السكر
نستاهل انا الكية...و لهيب انيران...و حر النار و الجمر
قاع اللي درتيه فيا... مازالني القدام...ذوبت عمري فالسهر
لغرام بليتو بلية...قهر فلان و فلان...و فناو على طول ادهر
فولت بزينة السمية...رايدتني بدوام...نحسب روحي مول ازهر
قلبك حجر صمية...و اكحال قطران...من بعد اصفاوة اتعكر
خدعتي غير بشوية...يا قليلة الهيام...قلبك فارغ ما تعمر
كنت ضانك ليا...ودرت عليك اشحان...و حلفت فيك ما نغير
قاحرت عليك العديا...و قداه من ظولام...و سيفي بيه نشتهر
مغروم بيك ياالبية...حطيتك وسط لعيان...درتك عزي و انظر
ماتقيسك حتى حية...و زايدتني اخصام...كوتيني بنار لهجر
روحي يا عرة الدنيا...ما ليك ميزان...كل من شراك اخسر
رجعتي سلعة دونية...بايرة بلا سوام...فات وقتك و اندثر
ماشفك حالي انتيا...ماليك عاهد وشان...يارخيسة السوم واسعر
انت كي اللفعة اسمية...لاخير فيك لا سلام...تليقي في الحياة البر
منامك فسرتو خفية...حسيت فراقك حان...منو قلبي اتعصر
بردت نارك يا هنية...حسراه على ليام...وين ياماتك يا قمر
كنتي وردة بهية...اقطفتك من اجنان...فل و ياسمين و زهر
نهبت ريحتك ازكية...في ليلة الظلام...مغطيك ف حضن الستر
ذقت ثمارك طرية...ذبلت وبدات تشيان...طابت وبدات تخسر
في شاو الفال ليا...واليوم خرف ما تلام...طلقوه للعامة و ادحر
كنتي مهرة عفية...ركبتك وسط فرسان...زاهي بيك و نفتخر
واليوم تركتك سبية...اركوبك ولا حرام...بان فيك الخدع والغدر
كل صباح و عشية...فارح ماني ندمان...يخلف الله بالصبر
بدلتيني علاه يالوخية...بعد لمحبة و لغرام...ما تدوم حالة اصغر
مابقى أمل لا نية...مابقات عفة ولاحسان...مابقات عزة ولا وقر
نكوي قلبي ألف كية...نغلق بابو يا كرام...نمشي نهجر ذ الوكر
بقلم medcherif03
رد مع اقتباس
المشاركة الأصلية كتبت بواسطة ♡ Zahraa Al obaidi ♡
