هنا

[بحار تائه]

لسلام عليكم درر
اني قصتي تعبتني وحالي كحال الاف لشباب بالعراق
اني خريج هندسه نفط من محافظه ---
من تخرجت لحد لان ملكيت تعيين مليت تعبت
اني اختلف لان احب بنيه ويايه بالجامعه واريد اتقدملها اذا ما تعينت مراح ينطوني ايااها
اريد ممنكم تكولولي شسوي هسه!لا من تعيين لا من لبنيه لردتها -
تكدرون ترشدوني لشخص يعين ؟حتى لو كان ب موال ادفعله
زين عدكم حل الي
متابع الكم

[سارهـ الطائي]

مرحبا ..
اخي مثل مگلت حالك حال الشباب البقية .. اشتغل يا اخي مو الا تتوظف كون نفسك هسه الشباب كلها گاعدة لان ماكو تعين مثلاً .. ابسط شي مثلا عمالة ،، محل ترا راحت مودة تنتظر التعيين .. يعني گاعد انت بلا شغل و عمل و تريد تقبل بيك منو يرضاها ؟

[علي الاسدي**]

مادام انت خريج هندسه يعني تمتلك القدره الذهنيه على فتح مشروع خصوصا اذا كان اختصاصك فني تكدر تبني بيه مستقبلك

[CaSpEr]

هاي الأيام حتى العقود بوزارة النفط يردون خبرة لا تقل عن 3 سنوات
يعني التعيين ان شاء الله يجيء على ما يصوتون على ميزانية عام 2018م ومنها تتعين ان شاء الله

اي بإمكانك ان تأجل الخطبة لكم شهر او على الأغلب لنصف سنة

ونتمنى الك التعيين الموفقية والزواج العاجل ان شاء الله

[zeto]

اذا ع التعيين سهلة .. زور هوية انك موظف واخذ سيارة حكومية .. اسرقها ،. اهم شي انك تاخذ حبيبتك ..

يعني هندسة وقسم نفط وما محصل تعيين .. مثل ما كا عادل امام ، اتكل على الله ..

يارب تتعين وتزوج حبيبتك وتسود عيشتك بس مو تفكر تنتحر بالجسر الجديد الي يمكم ترى عالي واذا انتحرت تتعور

[fairy touch]

مرحبا ...
عزيزي ...انت لست الوحيد ...على مدى اجيال عانى شباب مثل موقفك ..ما بين الرغبة في بدء حياة جديدة بكل تفاصيلها و ما بين المعوقات .
انت في مرحلة مفصلية .
اما ان تنتظر و تنتظر و تنتظر ..و لا امل في تعيين ولا امل في تكوين اسرة ..
و اما ان تفكر خارج الصندوق .
بما انك خريج هندسة و تريد تتقدم لبنت مهندسة ..يمكن بعض الاشغال رح تشوفها تأثر بصورة سلبية على موقف الخطوبة ..
لهذا ...بانتظار فرصة العمل بأختصاصك ..
قدم على قرض او سوي سلفة بمساعدة الاهل و اشتريلك تاكسي تطكطك بيها و تكون نفسك ...هواية عوائل بيوتها مفتوحة على العمل الحر و منها سواق التاكسي ..ممكن تشتغل بغير اختصاصك بمول او محل اتصالات او اي عمل ثاني نص النهار و البقية تشتغل بسيارتك و تضاعف دخلك ...
لا تبقى تنتظر التعيين ..ترى حتى راتب الواحد اول ما يتعين ما يفرق عن العمل الحر ..
الله يسهل لك امرك ...لا تيأس ما دام نيتك خير تنفتح لك ابواب الخير ..قلوبنا و دعواتنا معك و لك .

[fairy touch]

شوف هالموقع مثال هالاعلان ..يفيدك ؟

https://iraq.tanqeeb.com/ar/jobs-in-...009499746.html

[سومر]

.
دعاؤنا الخالص لك بتسهيل أمرك وأمر الكثيرين من أمثالك
ذكرتني بابن العم كاظم خريج تربية أكثر من 8 سنوات وحاله كما هو
وما يحز أكثر أصدقاءه مثله تماما رضخوا لعمل حزب معين بإنشاء صفحات فيس لتمجيد زعيمه
وأبناء الساسة منعمون بالمحسوبية والواسطة
ساعدك الله وياربّ التوفيق ويفتح باب الرزق ويسعدك

[كرار الحسيني]

أخي العزيز حالك مثل حال هواية من الشباب الخريجين الذين اتخرجوا ومنتظرين التعيين
وبما أنتة خريج هندسة نفط حسب قولك أكو حالياً تعيين ع شركة الحفر العراقية وانتة الك الاولوية بما انتة صاحب خبرةوشهادة افضل من غيرك بهواي شغلات واذا لم يفلح بهذه الشركة فما عليك الا ان تقيم مشروع بسيط وتبني مستقبلك لحين ماتسهل أمورك وتتعين حتى من خلاله تگدر من تتقدم للبنية إلي تحبها انتة رب عمل ولديك مشروع وشغال ومتخرج وبأنتظار التعيين وتوكل على الله ولازم يكون عندك عزم واقناع تگللهم اني هسه مكون نفسي من مشروعي وقادر على معيشه نفسي وعائلتي وبنتكم وإذا اتعين بالقريب العاجل واتأمل خير اتعين راح تكون حياتي للأفضل وارد معيشتي حيزيد من التعيين الوظيفي ومن مشروعي
واتمنى الك التوفيق اعزم وتوكل ع الله واتغلب ع خوفك تنجح

[حسين الصافي]

الله سبحانه وتعالى يعينك ... فقط عزز ثقتك به .