كان ياما كان عندي اجمل حبيب!-حسين الساعدي
كان ياما كان
عندي اجمل حبيب
فاركاني ابحجة القسمه ونصيب!
جنت احب النار ما اريد الجنان
حته ما اتفارك ابنار الرهيب!
انه حسبالي العشك ينطي الضمان
تالي ماتالي وصرت انه الغريب!
راح مني وضيع الحب والحنان
عافلي اجروح العجز عنها الطبيب!
دوريته وما لكيته ابكل مكان!
ما لكيته ومبتعد ذاك القريب!
ياظنون الفاركت معنى الامان
ضلت اتودي ابصفنتي وما تجيب!
أه يروحي الرسبت ابهل امتحان!
وين تنجح بالزمن هذا العجيب!
ما أظن أربح بعد عفت الرهان
يازمان الغيرت حتى الحبيب!
كان ياما كان يحجيها اللسان
والدموع اتساير ابشمسي التغيب!
هايه قصتي واعتقد أن الاوان
أنتظر دمعتكم اتواسي النحيب!
ياهو عنده اجروح تسئل عالزمان!
خل يهد اجروحه واجروحي التجيب
خل يهد اجروحه واجروحي التجيب
حسين االساعدي
رد مع اقتباس
المشاركة الأصلية كتبت بواسطة كوكوو
