تظل ناقص عقل لو تحب مرتين
من اول مرة تعثر لازم تتوب
كلب واحد عندك من يموت تموت
ومااظن عندك درزن كلوب
شمعة انتة وغرامك خيط من نار
ومعروفة النهاية وياهو اليذوب
اذا مفتاح كلبك بالمحبة يضيع
انصحك من تطب لاتقفل البوب
العشك ثوب واذا مانصح وياك
مو انتة التنزعة ينزعك الثوب
*******
امس من كتلي احبك اني ماشكيت
كلت فعلا يحبني وكلبة يتكطع
شفت ثوب عشكك كلت اكشخ بي
طلع عشكك جفن باحزانك مركع
جنت صحراء انتة واني ازرع طيب
واني اترجاك تزرع وانتة ماتزرع
جان يركضلي طيفك بالحلم ملهوف
واني اركض بالبداية واركض باسرع
وجنت بايدي امسح دمعتك بسكوت
وهسة يسيل دمعي وانتة ماتدمع
اخذت جروح كلبك والهموم البيك
وباخر افراحة كلبي لكلبك تبرع
يوزع كلبي بسمة وينشر الافراح
وثواب لفرحتك دم كلبي يتوزع
تالي بقسوتك تطبك بوجهي الباب
ويصيح عليك كلبي وانتة ماتسمع
اسف حبك دليلي وماجفاك بيوم
واسف تخدعني انتة وانة مااخدع
اطلع من كلب مل القساوة البيك
واطلع روحي اذا الكاك ماتطلع
رد مع اقتباس
