ﺗﺎﻧﻴﺘﻚ ﻫﻮه وﺟﻔﻴﻦ
ﻳﺘﻼﻛَﻦ ﺷﺠﺮ ﺧﺪﺭﺍﻥ ﻣﻦ تحضى ﺍﻟﺴﻮﺍﺟﻲ ﺑﻄﻴﻦ
ﺩﻫﺰ ﺭﻭﺣﻲ ﺍعله ﻋﺮﻓﻚ ﺭﻳﺢ
ﻏﺜﺎﻧﻲ ﺍﻟﻨﺪﯼ ﺍﻟﺴﻜﺮﺍﻥ
ﻣﻦ ﺗﻨﻔﺾ ﺭﻣﺶ ﻣﺸﺘﺎﮎ ﻳﺒﺠﻲ ﺑﻜَﺪ ﺑﻴﺎﺽ ﺍﻟﺘﻴﻦ
ﻭﻳﻦ ﺍﻭﻳﻦ ...؟
ﻛﻠﻬا ﻃﻴﻮﻑ ﻭﺍستنگي ﺍﻟﻔﺠﺮ ﻭﻳﺎﻙ
ﺷﺘﻞ ﺑﻴﻪ ﺍﻟﺤﻨﻴﻦ ﺍﻣﻮﺍﻛﺢ ﺍلملگاك ﻣﺎﻳﻨﺮﺍﺩ
ﻭﺍﻟﻐﺒﺸﻪ ﻭﻛﻴﺤﺔ ﻋﻴﻦ
يالعايف خلگ ﻋﻴﺰﺍﻥ ﻳﺪﻫﺪه ﺍعله ﺑﺎﻟﻲ ﻓﺮﺍگ
ﻣﺮ ﺑﻴﻪ ﺣﻀﻦ ﺗﻤﻮﺯ ﻭﺍﺗﻠﻔﻠﻒ ﺧﺼﺮ ﺑﺮﺩﺍﻥ
ﺭﺩ ﻟﻬﻮﺍﻙ ﻣﻮ يعگوب
ﻋﻨﺪﻱ ﻋﻴﻮﻥ ﻣﺎﺗﺸﻔﻪ ﺑﻀﻮﻩ ﺍﻟﻘﻤﺼﺎﻥ
ﻳﺎﺑﻠﻘﻴﺲ ﻋﺮﺵ ﻓﺮﺍگ ... ﻭﺍﻟﻬﺪﻫﺪ ﺭﺳﺎﻟﺔ ﺷﻮگ
ﻳﺎﺭﺣﻤﺔ ﻫﻮﺍﻙ ﺑﻜﺪ ﻧﺒﻲ ﺳﻠﻴﻤﺎﻥ
ﻣﺮ ﺑﻴﻪ ﺗﻮﺍﻟﻲ ﺷﻤﻮﻉ
ﺷگ ﺯﻳﺞ ﺍﻟﻀﻼﻡ ﻭﻓﻮﺕ
ﺍﻧﻪ ﺑﺮﺍﺳﻲ ﺳﻬﺮ ﻣﺪﻳﻮﻥ ﻭﺍﻟﺤﺴﺒﺎﺕ ﺳﺮ ﺑﻴﻮﺕ ...
ﻣﺮ ﺑﻴﻪ ﺍﻟﺴﻮﺍﻟﻒ ﻃﻔﺤﺖ ﻣﻦ ﺍﻟﻌﻴﻦ ﻣﻦ ﻣﺎﺕ ﺍعله ﺷﻔﺘﻲ ﺍﻟﺼﻮﺕ
ﻣﺮ ﺑﻴﻪ ﺍﻟﻄﺮﻳﺞ ﺑﻌﻴﺪ
ﻭﺍﻟﺪﻧﻴﻪ ﺃﻣﺎﻥ ﻭﺧﻮﻑ
ﻣﺮ ﺑﻴﻪ ﻭﻟﻮ ﻏﻠﻄﺎﻥ
لبجيلك دﻣﻊ ﻋﻤﻴﺎﻥ ﻭﺍﺗﺒﺪﻩ ﺍعله ﺧﺪﻙ ﺷﻮﻑ
يل كلشي اعله بالي الگاگ
وين الگاگ ؟
يصفصافة نهر والناس ما تقنع تشيل عثوگ
وانه امنين مالبسك رهاوة ثوب بس طوله اعلا طولي ايلوگ
ﻣﺮ ﺑﻴﻪ ﺭﻛﺾ ﺻﺒﻴﺎﻥ
ﻓﺰﺯ ﻭﺍﻫﺴﻲ ﻣﻦ ﺍﺳﻨﻴﻦ
وﻟﻮ ﺩگة ﺟﺬﺏ ﻋﺎﻟﺒﺎﺏ ﺗﻜﺸﻂ ﺟﻠﺪ ﺍﻟﻤﺘﺎﻧﻴﻦ
ﻭﻣﺘﺎﻧﻴﻦ
متانين فزعة ماي
وصوفر جم وجه عطشان
وانت براسي تفتر غيم
يل بروحك خجل عرسان
وين تصح وكاحة ليل
يل شايل ترافة طير ماتغفه اعله جنحك ايد
وين تريد؟
دفك عيونها وخل تشرب من بعيد
الديره الماتعرف الماي ما تلگه بمحرم عيد
وين تريد؟
رد مع اقتباس
