چنت اضن الغربة چلمة..
و الـ يهد اولايتة يسموه غريب..
وچلمة الـ خذلان چلمة..
تكحل عيون القصيدة .!
الـ تحـچــي عـن غـدر الحـبـيب ..
وچان كل ضني الشماتة
(وادم ابعيدين ويريدون حزنك)
و(المسافة)
دروب صلفة.!
وتبـعـد الـرادوك عنـك..
بس عشتها
واخ من تعيش خيبة
وحتى ماي العين هم يتبرة منك..
اخ من عبرة دليلك
من تون وتخاف لا ينسمع ونك..
و عشت تالي ..
عشت تالي الغربة وانـة بـ روح داري
والـ گلت كلهم محنة همة متشمتين ثاري..
والمسافه تيقنت غفوة مشاعر
وچلمة الخذلان
(لچمة .! تهيد و يهيجها شاعر )
والـ يفرگ اثنين راح يموت كافر ..
وانا وانت..
جروف لو نشتاگ سكتة
لو نخلص اعمارنا بسد الگناطر..
واهلي و اهلك
لـ الله خـ نسلم امرهم
يمة يتلاگون باچر ..
لـــ سمر الخالصي
رد مع اقتباس
