مجبور اصيح الذيب!_الشاعر حسين الساعدي
يادنيا غدر البشر_ خلاني اخاوي الذيب
شفت الذيابه اشكثر _تعرف امجازه الطيب
وبنادم ابهل عمر __ بس يعرف التعذيب!
ظهري انترس بلغدر_ راسي انترس بلشيب
ليوين اضل انتظر __ للما يعَرف العيب!
بالذيب راح افتخر ____واكتبله بالترتيب
اجمل معاني الشعر___ بالفطنه والتهذيب
ويشد لخوه الظهر ___ ويعينه بالتصويب
ماعرف معنه الغدر__ ما يسعه بالتخريب!
بس البشر ياقهر__ ماشي ابهوه التسليب!
ماخذ اطباع الشمر___يذبح عله التنصيب
لوما يكفرك كفر__بيك ابصدى التركيب!
مايقنع ابكل عذر___ لو خالف التحزيب
يتمنه طش الحشر ____ما يقبل التقريب
لازم يجيب الخطر__غير الخطر ميجيب
يفرح ابذبح النحر__عايش عله الترهيب!
لوم البشر يابشر!____بالك تلوم الذيب!!
بالك تلوم الذيب
حسين االساعدي
رد مع اقتباس
المشاركة الأصلية كتبت بواسطة صفاء العامري
