الفرح ميخاوي فقرة ولا مساكين
ما شفنة الفرح بس حزن خاوانة
شلنة بالسعادة إلي تخونة بساع
والخاوة الحزن يا مكثر أخوانة
مصايب وي جرح ونات نص الليل
رغم من گد ونينة أشتكو جيرانة
كل البشر يضحك عايش ومرتاح
الفرح بس بوجهنة قفل بيبانة
الفقير الضحك بينة ميتبسم حيل
من يضحك شرط متبان نيبانة
يخاف أحزانة تدري وداهمة بليل
وعليه تهجم جروحة أتگول ديانة
يدگ بابة الحزن شايل سجل حساب
الحزن بس عالفقير أنصب ميزانة
تدفع ثمن ضحكك لازم أنبچيك
وميتركة لحد ما يعشك أحزانة
وبجروحة يتوعد وبهموم الليل
كلمة فرح ما تلفظ بلسانة
الفرح يبعد أمتار وچنة ميشوف
الحزن من صاد أخوه وكسر جنحانة
شبدينة أتعودينة إعلة الحزن والآه
وحزنة من الزغر متربي ويانة
بس مو معناه نحبة هاي متصير
ما يعشگ سجين بيوم سجانة
أخونة الحزن لكن موش محبوب
أبنص روحة شمرنة وعلة بنيانة
ماردنة الفرح والحزن ماردناه
ستر الحال ردنة الحزن أذانة
رد مع اقتباس
المشاركة الأصلية كتبت بواسطة ♡ Zahraa Al obaidi ♡
