حلوة من اتعيش بس انت
وتكَللهم (احبكم )
لا تأذوني وتحبوني العشك للطير جيله
انه سولة راحتي من ابجي واغني
بلايه ما واحد يكلي.. شيوجعك ؟..شنهي المغيرك ؟
عيش وحدك لاصديج يطيل عمرك
ولا ولف ينطيك حيله
وياهو يشريلك صبح مبيوع ليله
عيش لايامك وحيد
لا تصيح بكفه العافك
مامش بنادم تخسره
واحسب حساب النخل لوطال جذعه
جفوف شتاله التشمره
عيش لايامك وحيد
بلايه موعد تنطفي ضوياته
بوسات
ومناديل
وجراجف
بلايه ما تدفع الميل بعين دمك والوكت وياك خايف
بلايه ما توكف عالمراية وترتب هوسة الدنيا البوجهك
بلا ما تنطر يجونك ما يجونك
بلايه ما تكتب على حيطان عمرك (خلصت وصارت سوالف )
حلوة من اتعيش بس انت وتكللهم ( احبكم )
ولا تخليهم يحبونك ...تموت
وانت تدري الموت شط الخايفين
عيش وحدك...
خاطر من يخون بيك الروج سكته تموت وحدك
عقيل العرد
رد مع اقتباس
المشاركة الأصلية كتبت بواسطة سمراء من قوم عيسى
