السلام عليكم اخوتي واخواتي
مرض لم استطع التخلص منه الا وهو الوسوسه طوال 24 ساعه لم استطيع مقامته
عندما استخدم برامج التواصل الاجتماعي اشعر بالوسوسه تنخر عقلي من ان تم فتح كاميره الهاتف وتم تصويري وسيتم نشر الفيديو على النت انا اعلم انها افكار وسواسيه ولكن لا استطيع ابطالها والتوقف من التفكير فيها
حيث الان ليس لدي اي حساب على النت سوى هذا
واوسوس ان تم التقاط صور لي وتم نشرها اريد الحل رجاءا
وهل اليوتيوب يتم اختراقه وهذا الموقع ايضا واذا حصل كيف اعلم انه تم اختراق موبايلي
وعليكم السلام حبيبتي
الحل هو تبطلين تفكير بهيج اشياء ودائما حاولي متسمعين هيج قصص وبالنسبه لأختراق فونج فهذي اتصير بحاله وحده اذا نزلتي برنامج هكرز بيها غير هيج مستحيل يتهكر وباقي الكلام كله اشاعات لاحقيقيه لها لاتخافين ولاتهتمين للموضوع
مجرد اوهام
ماكو هيج شي..!
اطمئني… فقط.. ثقي بكلامي… !
كوني بخير عزيزتي
انطيج حل هوه ليس تخلص من الوسواس لكن شيء من الطمأنينه ...هاتف لتخلي بي صورك والكاميرا الأمامية ضعي عليها اي شي لاسق و كذا ...بهيجي حاله حتى لو اخترقوا حسابك مراح تنظرين
واتمنى ان تتخلصي من هذه اﻷوهام
لروحك الطمأنينه واﻷمان
التعديل الأخير تم بواسطة نـايـا ; 28/August/2017 الساعة 8:56 pm
مااعتقد يمكن اختراق نقال الاختراق للحاسوب فقط لكن يوجد برامج عند تثبيتها تزامن الاستوديوا الي موجود بالنقال فيخلي الصور مكشوفه اتصور اذا ماتثبتين او ما تفتحين البرامج المشبوهه انتي انتي بخير وعافيه
وعليكم السلام
اشوف الحذر مطلوب نوعا ما بهيج امور لكن مو لهاي الدرجه ...
من ناحيه اختراق ممكن يصير مو شي مستبعد كلش بس ببساطه خلي لاصق على الكامره الاماميه والخلفيه حتى لو تم اختراقه ما رح يكدر يسوي شي واكو شغله ثانيه لا تخلين صور خاصه بالجهاز نقليهن ب هارد او حاسبه ... اما الوسواس فيروح بمرور الوقت بس لا تفكرين زايد بالموضوع وخلي ببالج حتى وان لا سامح الله تهكر الجهاز فانت بأمان ... تحياتي
مرحبا ..
سؤال تبادر الى ذهني ..
انت موسوسة في كل شيء لو فقط بهذي الشغلة ؟
شوفي عزيزتي ...اعتقد كل واحد من الناس اللي طبيعته قلقة ..عنده وسواس بجانب معين .
اكو درجة من الوسواس تكون مقبولة ...
اتذكر من درسنا الوسواس القهري ، الشي اللي ركزوا عليه اساتذتنا انه احنا نگدر نسيطر على وساوسنا ..شلون ..بأن نتجاهلها ..
كلما تنطين الوسواس مجال و تسايريه كلما يسيطر عليچ اكثر .
اذا وسواسچ بس بهالموضوع اللي ذكرتيه ..سوي الاتي :
١. فرغي الستوديو بالتليفون من كل الصور الشخصية ..عالاقل حاليا .
٢. اتصرفي وراها طبيعي ...
بمعنى ماكو شي اسمه تنطگ صورة و انت ماتدرين ..جهازچ ما طول على ايدچ و مشتريته ما مستعمل ...ما يخوف ...
بعدين تليفونات اندرويد كلها تحمي مستخدميها و تنبههم في حال اكو حركة برمجية مو طبيعية بالجهاز .
كلما تهاجمچ اي فكرة اتجاهليها ...گولي شيريد يصير خل يصير ....لأن هو كلشي ما رح يصير .
اما اذا وسواسچ بهواية اشياء بحياتج ..لازم تراجعين طبيب و تاخذين علاج و ترتاحين ..
تحياتي و اتمنالج الراحة و السعادة .
أنا اعتقد إن سبب هذا الوسواس هو الخوف الزائد وغير المبرر من الناس والمجتمع .
ولنفترض بأن صوركِ قد سرقت فعلاً ، فانتِ لستِ أول ولا آخر منْ تسرق صورها وتنشر على الشبكة .
اعتقد بأنكِ تفتقرين الى الشجاعة في المواجهة ، وليكن صدركِ رحب وامنحي نفسكِ الثقة والبسالة والقدرة ، وأعملي بجد على أن تكون شخصيتكِ قوية ،،
وحين إذ ستجدين بأنكِ قد تخلصتي تماماً من هذا الشعور السلبي .
وعليكم السلام أختي العزيزة الوسوسة مرض نفسي وعلاجه فقط قراءة القرآن الكريم
ولكن ماعليكي فعلة هو ان تغيري المحيطين من حولك وعدم الأستماع لهم ولكلامهم واذا لم يوجد من حولك أحد فإليكي هذه النصيحة
بالنسبة للهاكرز لايستطيع إلتقاط إليكي صورة من اليوتيوب أطلاقاً وهذا من المستحيل ما لم تقومي انتي بنشر فيديو لكي او محتوى يحتوي فيديو صورك معد مسبقاً بيدكي فما عليكي سوى الأمان اما بالدرر كذلك لايوجد اي شخص سواء كان صديق جديد او من اهل الدار او مراقب او مشرف او مدير المنتدى ونوابه ان يقوموا بفتح كاميرتك الشخصية والتقاط صور لكي وهذا ليس من حق اي شخص وليس من اخلاقنا في درر العراق ذلك
فالكل محترم وذو ادب واخلاق عالية وبالنسبة لهوسك ووسواسك فلا داعي له على الأطلاق فهذه الا وسوسه من الشيطان وستزول بقراءتك للقرآن الكريم ولكي تكوني اكثر اماناً ضعي لاصق معتم على كاميرتك الأمامية والخلفية لجهاز الهاتف وريحي بالك ونسأل الله ان يوفقنا لحل مشاكل الجميع .
رد مع اقتباس