يل تطعن غدر من ظهري ما مليت
صدري أنطيتة إلك بس مرة لاگيني
لا تسالمني بيـــــد وأيد للسچـين
أدي رابطهة إلك لـــــو تحب لاويني
عشگتك مو بيدي ياصاحب الطعنات
واعشگت سچين غدرك لنة هاويني
مليت الغدر صح بس ما أملك يــوم
من الله محبتك يــــــــــلـــي تاذيني
ترة جروحي غميجة ومــا أصيح الآه
و مثل متريد اجــــــــــرح لا أداويني
اذكر مرة گتلك جرحي مدري اشبيه
گلت عندي الدوه لن ملــح منطيني
ابد ماراح أحرجك لا ولا أگلك ليــش
وإذا عالسبب حبك يلــــي ناسيني
إذا ناسي أذكرك ياتعب كومة أسنين
من أضيعك يعني ضاعت كومة سنيني
كلش بالغت حيـــــــــــل هواية لحيت
من تجفي وتصد ومـــــــــــا تحاچيني
متحمل آذيتك ومـــــــــا شكيت بيوم
و أدري أنتهي بدونــك وأنتــة تدريني
رغم البدر منـك تدري أنه شمسميك
حبيبي المشه بنص دمي وشرايني
رد مع اقتباس
المشاركة الأصلية كتبت بواسطة ♡ Zahraa Al obaidi ♡
