مثل مصاب يوسف صابني وياه
وصرت يعقوب اناطر دربة يومية
خذاه القدر مني وعافني وحيد
اعد بسنيني بعده وساعتي بمية
ليش الولفة مبعد وكتة حيل يطول
وليش الولفة يمة السنة بعصرية
عجيب امر الوكت مختلف عالخلان
يوكتي شبيك ماخذ روحي فصلية ؟
ما ردت الولف ولفي حلال عليك
يوكتي ارجوك رد واخذ ماضية
ماضية الكتلني وهالملاني جروح
ما ناسي واموت من اذكر البية
كثر همي بعدد ما بالسمة نجمات
ونزف جرحي فرات وما نشف مية
شافو جسمي شو ماشافو جروح
وشما لمسو كتر چن جرح ينجاس
صرخت بعالي صمتي وچان مبحوح
محد شاف جرحي شمالهة الناس
يدورون اعلة جرحي وكلي مذبوح
الوكت فالة وطعني بنص الأحساس
يل عاينت جسمي وجرحي بالروح
شجرة الروح جانت والوكت فاس
المن واشكي همي وياهو يسمعني
الوادم كلمن وهمة وبلاوية
ولون البلاوي تختلف عن الغير
بطرك روحي يناس وصفت مو لية
وصفيت انه وحيد وثگل هم الروح
وتبرت كلهة كلمن كال شعلية
حرت انه بجروحي حيرة ام ايتام
محد شال همي اجروحي منسية
شگلكم ع الوكت مضيوم لوضام
انه الما علت عال الوكت بية
رد مع اقتباس
المشاركة الأصلية كتبت بواسطة انثى بلا قصر
