هنا

[جبار العامري]

بغيابك بدت صفناتي تزداد
مر لحظات يمي واذبح الصفنه
واذا مابيك جيه وعذرك وياك
خل طيفك يمر محتاج احظنه
........
صرت دمعت حزن بعيون الوداع
وصرت اكول من كلش عفتني
انه ابجدمي جبل ماهزته الريح
ومن كلتي وداعا طيحتني
......
عليك العين صاحت وانت ماجيت
اصيح ابيش خاطر تلتفتلي
.......

غمض عيونك فلا اكدر انام
اشلون انام وشمس عينك ساطعه
.......
تدري اشلون صارت حسرتي اعليك
مثل حسرة يتيم اعله المراجيح

.......
كاتبلك قصيده احلام بيها اهواي
ليش بكل سهوله اتشكك احلامي
......
إلي حسره بغيابك تهدم البيت
تعال الحكني خاف يطيح بيتي
.....

ربك فوك كلمن يضلم انسان
لذالك اني ساكت عل يضلمون
.....
ابغيابك صفنتي سوتني تمثال
وعش اطيور هجرك فوك تمثالي

......
جبار العامري

[ارجع يازمان]

ررائع
بس هاي كلمة والذبح سويها واذبح الصفنه شيل حرف اللام
مر لحظات يمي والذبح الصفنه
تحياتي

[ღ عِشق ღ]

شكراً على الومضات
جميلة بحق

سلمت اناملك

[جبار العامري]

خطا مطبعي بس ماعرفت اصلحه

[ارجع يازمان]

خطا مطبعي بس ماعرفت اصلحه

اكو كلمة تعديل وصلحه وانته رائع

[ღ عِشق ღ]

ررائع
بس هاي كلمة والذبح سويها واذبح الصفنه شيل حرف اللام
مر لحظات يمي والذبح الصفنه
تحياتي

تم التعديل شكراً لملاحظتك اخي حسين الساعدي .

خطا مطبعي بس ماعرفت اصلحه

ابدعت . جبار العامري

[ارجع يازمان]

تم التعديل شكراً لملاحظتك اخي حسين الساعدي .

ابدعت . جبار العامري

شكرا الكم

[جبار العامري]

شكرا لكم ممنون منكم