عن ثباتك صوّرت موقف عجيب
من وحي الأفكار آنه اتصوّره
كربلاء تحوّلت ساحة حساب
و يوم عاشر صار يوم الآخرة
و اليحاسب سيفك،و قام الجزاء
و الصراط هناك چان الگنطرة
و انت و اگف عالنهر تسگي إلـ تريد
چنّك الكرّار لازم كـوثره
نزلن الچفّين من مُهْـر الزنود
سند صارن لك يراعي المفخرة
و رغُم حاطت بيهن آلاف السيوف
هـِنَّ سلمن و السيوف مبتّـرة
انت بيك اسرار واضعها الجليل
لهالسبب رادك علي لزينب كفيل
انت من تكبّر بسوح القتال
ترتجف من صوتك الگاع و تميل
و حافر اجدام المهُر من تمتطيه
تخاف صوته الخيل و تعوف الصهيل
و سيفك من ترفعه و بچفّك يلوح
للسيوف الأخرى ما يُسمع صليل
سيفك تربّى بحجر چف الأمير
و أخد من طبع الأمير شما خذيت
چنت وحدك سيّدي و چانوا اُلوف
لكن اعتبروك جيش انت من اجيت
و چان سيفك عاصفة و چانوا غُبار
و لوجود الباطل بسيفك محيت
و من كُثر ما سيفك احتز بالرؤوس
چن جهنّم نادِتَك :كافي امتليت
مرتضى الشمري
رد مع اقتباس
المشاركة الأصلية كتبت بواسطة حيدرمجيد التميمي
