زرعت عيني اعله دربك
...........
وك انطيني وجهك من الاگيك
عني لتدير وجهك تنطي مگفاك
مني شنهو بدر وتغيرت ليش
وفي لاخر نفس ياخلي وياك
لعهدي ماخنت هذا انا لليوم
گدامك وراك الهج بذكراك
مو انا اليخون الملح والزاد
ولا انا اليشمت هلك وعداك
ولا انا اليضحي بعشرة سنين
دست عالموت خايب لاجل عيناك
ثق بمحمد لسه بيه الشوگ
وياشوگ البصدري يحرگ شتاك
زرعت عيني اعله دربك خضرت شوف
واصبحت شجرة عيون تريد ملگاك
انه ردتك من الله بس الي تصير
واظلن طير طايركون بسماك
حبيبي شگد صحتلي بگلب ولهان
بشوگ شگد صحتلك عمري حياك
شگد گلتلي والله اموت عليك
كلما اسمعها اگلك گلبي يفداك
كلمات الغزل بيناتنه هواي
ازفنها عرايس وكت ملگاك
وچم مرة گلتلي وياك للموت
وان ماصارت عمر مارايح انساك
اشو صارت صدك ونسيتني بنوب
يمك ياهو گعد يفلان وعداك
يالشمتت بيه عداي وعداك
الي وينه يخلي ذاك وعداك
اشو غفله هجرت وغدرت بيه
....
عبدالله الشريفي
رد مع اقتباس
