هنا

[أحمد عبد الحسين]

ها عباس
تكعد لو اصب دمعي واغرك شاربك وارجع
تكعد لو ارد لسكينه اكللها نخيته وما قبل يفزع
تكعد لو اصيح ااااه واخلي شامتي يسمع
تكعد لو اطك وجهي بيمينك وانسطر واوكع
تكعد لو اون يمك ونين مخدره وحره وبين الغرب تطلع
تكعد لو اشدن معصبي بسيفك واهوس داير المصرع
تكعد لو اصيحن اني اخت عباس اخت العافني بغربه وعليه الناس تجمع
تكعد لو اضل اعتبب لحد ما روحي تتكطع
تكعد لو اصيحن يا شمر بالسوط لوعني حتى كبالك اتلوع
تكعد لو ارد وحدي بظلام الليل وادري اعداك تتبع
ارد لو ما ارد شتكول انه بس يمك اتخضع
ياهو الجان اني وامشي بين اجناب
ياهو الجان اني وخدري يسلب
ياهو الجان اني وانظرب وانسب
ياهو الجان اني واشوف طولي الناس
والمفروظ حتى حجابي يتحجب
ياهو الجان اني وامشي ويه انذال
ياهو الجان اني وراسي يترب
ياهو الجان اني وصار ياهو الجان يم يجي زينب ويكرب
ها عباس حدي انداس اجيت وخيمتي تلهب
ياهو الجان اني وصدر اخوي حسين صار لخيلهم ملعب
ها عباس هم السوط يتلوه على متني وفوكها اتغرب
نايم واني راح امشي يسره مجتفه وانحب
انه زينب انه سامحني الوضع يصعب
انه زينب وتلك حدود الله وانه حدود الرب
اذا طاحت عباتي يطيح ستر الله ويفرع حيدر ويغضب
يالمعتب يالمجرب يالمتعب ولا تتعب
انه بنت اليسل سيفه وتصيح الوادم المهرب
انه بنت الشطر مرحب وجيتك شايله المعصب
ها عباس من يمته ترد مطلب
وحكك شاب راسي والكلب شيب
تكعد لو ارد مكسورة الخاطر حزينه بهمي اتكبع
يبو الغيره الدموع ثكال وانت يجرحك المدمع
شصير اني ادور هاي اسكت ذاك اصبر احرس وامنع
يعباس الدمع ملهوف بس صار العتب اسرع
بنات حسين مرعوبات وجفوف الشمر تصفع
ها عباس يعني عتابي ما ينفع
تكعد لو اصب دمعي واغرك شارب وارجع

[أحمد عبد الحسين]

قصيدة روعة ......... للسيد عبد الخالق المحنة




يتامى يا علي باجر يتامى ..اذا ترحل على الدنيا السلامه 2
يا والينا تخلينا جرج بينا 2


كمر ينزف دمة ويهتف فزة بيها
الصلاة رادة جرح راسك يصليها
شفت رمشك بدا يرسم ماسيها
بني هاشم بديت اسمع بواكيها
اجت زينب يبو زينب دحاكيها
تكلك يا علي عدمن تخليها
عساني لا شفت يومك عساني ياحيدر يفرح القربك زماني
ياذينة تخلينه جرح بينة
""""""""""""""""""""""""
يتامى يا علي باجر يتامى ..اذا ترحل على الدنيا السلامه 2
يا والينا تخلينا جرج بينا 2


إجت يمك جرح دامي تون سكته
تقلّك هاك أخذ روحي وتظل أنته
صعب يومك ولا بحسابي حاسبته
نده وينك يبو فاضل عهد ردته
حجي عندي يبو الغيره وإجه وقته
لزم ايده ويخليها على ايد اخته


أمانه زينب بإيدك آمانه ،،،، يظل بيدك يبو فاضل لوانا
توافينا وتخلينا جرح بينا
*******


يتامى يا علي باجر يتامى ..اذا ترحل على الدنيا السلامه 2
يا والينا تخلينا جرج بينا 2


عهد مني لأخليها آنا بعيني
يبو الحمله وابد ما عوفن حسيني
يزينب كل ألم عندج يأذيني
ترى اليسرى الك فدوه وفدى يميني
يزينب والوعد بالطف تشوفيني
وأذا عالمشرعه اوقع تعذريني


عليا وداعتج خدرج عليا .... واعذزيني اذا توقع ايديا
تشوفينا تخلينا جرح بينا
*************


يتامى يا علي باجر يتامى ..اذا ترحل على الدنيا السلامه 2
يا والينا تخلينا جرج بينا 2


بجى بسحره ونظر نظره لأبو الاكبر
شبح عينه وبدا يعاين على المنحر
إلك بالطف يضي عيني جرح أكبر
وأشد من هامتي يبني وبعد أكثر
تظل وحدك ولا من هاشمي اليحضر
رغم جرحك تظل عينك على الخدر


انظرك لو طحت ظامي انظرك ...يبويه آنا والزهرا نحضرك
تبكّينا تخلينا جرح بينا

[أحمد عبد الحسين]

لا تسافر روحي عندك =روحي عندك لا تسافر لشاعر عبدالخالق المحنه

لا تسافر 1. لا تسافر روحي عندك روحي عندك لا تسافر 2. لا تكابر لا يا جرحي لا يا جرحي لا تكابر يا قلب يهجر خليله .. يا ابو يترك عليله .. وياك اخذني اضوي بدروبك شمع انا العليلة وبغيابك انفجع اقسم عليك بفاطمة وكسر الضلع لا لا تخليني غريبة وبالدمع 3. يا بويا تدري حالتي وهجرك صعب خوفي عليك من الغدر بارض الغرب 4. اشعر يا بويا الكاتب اوراده وحرب واشعر ضمايرهم عليكم تنقلب يا ضمايا .. يا بويا تدري محبتك ويا النبض كلمة وداعك مو سهل من تنلفظ وياك اخذني مو بكت حتى الارض افرش لك مصلايتك وقت الفرض 5. لا تمشي وتخلي دمع عيني يهل يا والدي وليل الهجر ما ينحمل 6. خليني وياكم اهز مهد الطفل يا بو الوفا وجرح المشاعر مو سهل بالمشاعر .. يا بويا وعيونك تراويني صور كل صورة اشوفك بيها مقطوع النحر يا بويا ارحم حالتي واجل السفر بعيونك انظر عمي يوقع ع النهر 7. وحدك تظل من ينصرع راعي العلم وتعاين زنوده وتصيح من الالم 8. ما تغمض العين النبت بيها السهم زينب تشوفك من تعاود للخيم وانت حاير .. يا بويا لو تمشي بعد ما ظن ترد وانت الهوى وعنك ابد ما ابتعد وشلون المثلث اذا طر الشبد يا حيرة الحيرة على خيامك تصد 9. ما احمل فراقك يمن شوفك دوى عطشانة ابقى ي اللي قلبك ما روى 10. خل صدرك وصدري يسحقوهن سوى وياك اصيحن لو وقع راعي اللوى ماكو ناصر ..

[أحمد عبد الحسين]

تربة عجيبه .. بالدم خضيبه لشاعر عبد الخالق المحنه

تربة عجيبه تربة عجيبه .. بالدم خضيبه .. 1. صارت علم والبيه الم ينشد طبيبه 2. كلما قسى وياي الدهر وبوجهي سد الباب 3. يا كربله لارضج احن يا ريحة الاحباب 4. من ابتعد عن تربتج بجفوني اشيل اتراب 5. بيه الامل بيه الشفه مو بس حزن ومصاب بيه ذكرياتي .. عمري وحياتي .. 6. اقسم قسم والبيه الم ينشد طبيبه 7. لو سافرت وتغربت يبقى الگلب وياج 8. وابقى انتظر فوگ الجمر ماينحمل فرگاج 9. يا كربله والشرفج واشرف ارض خلاج 10. لهفة طفل ضاع بغرب اتلهف لملگاج بين المناير .. يظل گلبي طاير .. 11. گلبي انجسم والبي الم ينشد طبيبه 12. طبع الشمع من يشتعل تخلص دموعه وداع 13. و حال النهر لمن يجف تبجي على حاله الگاع 14. بعدج اظل مثل السفن تاهت بلايه اشراع 15. مهما حصل ابقى الوفي واليشتري وماباع لو ما قبلتي .. بحبي ولهفتي .. 16. اصبح عدم والبيه الم ينشد طبيبه 17. دمعي فلا مثله دمع غير التعرفه الناس 18. يشبه دمع ام الخدر لمن وگع عباس 19. فتوة مُحب ارض الوفه مو بالجدم تنداس 20. لازم زحف نوصل الج يامن رفعتي الراس انتي البدايه .. حسن النهايه .. 21. والمافهم والبيه الم ينشد طبيبه 22. اشتاگ الج دمعه وجرح واصرخ واظمج آآه 23. غيرج شفت وتولعت فتره وگدرت انساه 24. من المهد حبج كبر بيه وكبرت وياه 25. اصعب مرض ماله شفه هذا التراب إدواه انتي بضميري .. يمج مصيري .. 26. لا مو وهم والبيه الم ينشد طبيبه

[أحمد عبد الحسين]

على عيونج يزينب حلم مذبوح= كل عينج دمع بس ما بجيتي لشاعر عبدالخالق المحنه

حلم مذبوح 1. على عيونج يزينب حلم مذبوح كل عينج دمع بس ما بجيتي 2. بچيتي جروح طهرتي المسافات كل خطوة يسر منبر بنيتي 3. يا هيبة علي دخلت على يزيد خورزتي الزلم و اتسيديتي 4. نظرات الزعل بعيونج سيوف ذو الفقار صوتج من حجيتي 5. سفينة هم سريتي ببحر الدموع على ساحل مصايبهن رسيتي 6. اسمحيلي يزينب اسأل اليوم انتي هواي من اتحمليتي 7. لأن مجبور اسألچ عاليأذيچ و ادري بيا مكان اتألميتي 8. اسألچ يالغريبة و چلچل الليل و حارس للحرم انتي إلبقيتي 9. اشوفچ چان بيدچ معصب يلوح احلفچ بالضلع إلمن نخيتي 10. نخيت إلكالفچ مقطوع الزنود معذورة لأن وحدچ صفيتي 11. مشيتي بغير طولچ خاف ينشاف ضم روحه النهر لمن مشيتي 12. كل جرة نفس وياها عباس لاچن من وصلتي له اشلقيتي 13. غمضها السهم وحدة من العيون بس الثانية اتشوفچ اجيتي 14. صفت انتي وكفيلچ محد وياچ مسموح العتب لو عاتبيتي 15. شقلتي له يزينب قوم وياي وياه جلمة عتب بيها ابتديتي 16. اشقلتين له يزينب وين الوعود مو انت إلقت قومي بحميتي 17. عمود البيت انت الشايل البيت تدري من يطيح يصيح بيتي 18. شقلتي له يزينب قوم وياي من شفتي الزنود اتعذريتي 19. صحتي بشاربك آنه يعباس ما رف شاربه من حشميتي 20. راويتي يزنب زرقة المتون لو لا بسهم عينه التهيتي 21. لو مديتي ايدج تلزم الايد من شفتي الزنود اتعذريتي 22. قلتيله الخدر يا ابا الفضل راح حرقوا خيمتي و طبوا ثنيتي 23. قلتي له صحت وينك يعباس يضحك شامتج و اتسلبيتي 24. كل هذا الحچي ما ينهض وياچ قمتي بيا جرح من أيسيتي 25. على طولج جرح لمن تقومي مثل حسين من قمتي انحنيتي 26. رجعتي إلمن رجعتي بس الايتام يسألونج يعمة شو بطيتي 27. اعرفج بت علي قد هاي الاحزان مثل عباس يا زينب وفيتي 28. نعم فوق الهزل و الرووس وياج نعم عقب الخدر ذاك انسبيتي 29. بس الكل تشوفج اسد مجروح كلها اتميل عنج لو مشيتي 30. اعذريني يزينب لا تزعلين و آنه بدمعتي اتبين هويتي

[أحمد عبد الحسين]

علامات الحزن لشاعر عبد الخالق المحنه

علامات الحزن و عيون حراس=دمع طفلة و عتب و جروح واحساس

علامات الحزن 1. علامات الحزن و عيون حراس دمع طفلة و عتب و جروح واحساس تصد الراس ابوها و تدمع العين .. يهتز الرمح من يزعل الراس .. 2. على ظهور الهزل تصرخ يمظلوم نزل دمع اليتيمة و خضر هموم 3. مشت طول الطريق اتنوح و تصيح يا يوم و يعود إلراح يا يوم يا يوم 4. إذا غاب الابو ما تغمض العين يعاشرها السهر و يسافر النوم اذا حن القلب تتمنى الحسين و .. اذا شافت خطر صاحت يعباس يعباس .. 5. تنادي بعد ابوية العمر شيفيد رقية إلشوفتك يالوالد اتريد 6. الوذ بيا صدر من وحشة الليل يليل الآه ارحم خل يجي العيد 7. امد ايدي على راسك بلكت اتقول تعالي يا رقية و تلزم الايد تجيها شلون يالجسمك غدا اوصال .. رقية ما درت بالخيل ينداس .. 8. فزت من حلمها بصوت مجروح اريد حسين هسة قامت تنوح 9. زينب و الحرم كلهن اجنها لقنها من الالم جن طير مذبوح 10. تصيح هنا يبوية و زينب اتصيح يبو الاكبر عليك اشتاقت الروح نياحة وصوتهن بالليل مسموع .. عليهن بالخرابة التمت الناس .. 11. بطشت جابوا إلها و قربت يمه حزينة و شبگت الراس و تشمه 12. اخذني وياك مااصبر بلياك انا بنتك رقية يا بو اليمة 13. علي السجاد صاح بصوت محزون يعمة ماتت الطفلة يعمة اجت زينب عليها و شافت الحال .. لقتها على النحر مقطوعة الانفاس ..

[أحمد عبد الحسين]

ألم و عتاب لشاعر عبد الخالق المحنه

دمع زينب على زنودك

ألم و عتاب دمع زينب على زنودك جمر ينزل عتب يحمل على وعودك 1. يبو الاحساس كلام الناس يأذيني على الجفين اسألك وين دليني 2. يعباس الاخت مهيوبة بخوتها اذا جار الزمان و راد ذلتها 3. عجيبة إلعدها مثلك تجري دمعتها على عنادك تشوف عداك ضربتها يمن راية علي بيمناك خلص صبري بعد خدري اجيت انخاك 4. يضي عيناي تعال وياي حاجيني على الجفين اسألك وين دليني 5. اجه السلاب يمي يالغيور افزع اخت عباس قلته و ما قبل يرجع 6. ضحك من شاف حالي وشاهد المدمع يقول على النهر كفالج اتقطع على الشاطي يليث الغاب اجيت اركض قلب ينبض ألم وعتاب 7. يزينب قال اشوف الحال اعذريني على الجفين اسألك وين دليني 8. يمن دقيت صدرك و آنه طاوعتك ابد عالبال ما چانت تعوف اختك 9. اجوني إلخيمتي مرعوبة حشمتك شفت بس إلضرني وانت ما شفتك عجب نايم يسيف الموت سكن ونك و لا چنك سمعت الصوت 10. ولتني اعداك اضل برجاك حاچيني على الچفين اسألك وين دليني 11. عجيبة شلون تقدر تبتعد عني انا منك جزء وانت جزء مني 12. عشت ليلك سهر لو ما غمض جفني اذا گلبي انجرح گلبك يألمني يبو فاضل عشت وياي عمر حتى صرت انته الهوا و الماي 13. اروح وياك جمر فرقاك يچويني على الچفين اسألك وين دليني

[أحمد عبد الحسين]

يا اكبر جبل لشاعر عبد الخالق المحنه

يا اكبر جبل بس ما شلت صبرك=بوداع العزيز و خصمك ينظرك

يا اكبر جبل 1. يا اكبر جبل بس ما شلت صبرك بوداع العزيز و خصمك ينظرك 2. ودعنا و مشى و جان الحلم خطوات كل خطوة برمح يتكسر بصدرك 3. اتقله يا علي ودع وداع الموت اودعك والسيوف اشتاقت إلنحرك 4. يا صورة محمد و آخر النظرات و روح حسين دمعة و ظلت بظهرك 5. أنا الاكبر وحسين صاح وياك يا سيف الزعل و حسينك يشهرك 6. شبه غيم الكتايب لو دفعها الريح تعلن بالظلام و ينحجب بدرك 7. على صدرك حزن قبلة و دمع عطشان يا صدر الجمر يلما برد جمرك 8. يا اجمل حلم يمشي عالچف الموت يا شجرة أمل والحاقد يطبرك 9. نمت فوق المهر و وصيته رد لحسين من دم هامتك ينسد نظر مهرك 10. بعد تيه طريقة وصار بيك يدور و رماح العقدة وسيوفها اتوذرك 11. وداعاً يا ابه و صوتك وصل لحسين و انت بيا وضع من يوصل ينظرك 12. مد طوله ويا طولك حتى صبره يعيش يا كسر القلب ما يلتئم كسرك 13. على الدنيا العفا بعدك يضي العين عمر حسين ريته يروح وي عمرك 14. يا نسمة فجر علمي من اتغيب اعيش بيا امل لو ما طلع فجرك

[أحمد عبد الحسين]

جنها زينب هاي لشاعر عبد الخالق المحنه

جنها زينب هاي بنت حامي الدخيل = بس عجيبه انشوفها بلايا أهل

1. جنها زينب هاي بنت حامي الدخيل بس عجيبه انشوفها بلايا أهل 2. كون اخت عباس تركب على هزيل يعني ياستار عباس انجتل 3. هي زينب هاي على الناقة وتميل ومن تميل الريح يسندها بخجل 4. بيها هيبة حيدر وزعل الجفيل وبيها صبر حسين لاح وياالزعل 5. والعجيبة شلووون يحديها الغريب وانا أعرف زين باطباع الجفل 6. وشانه راس حسين ذاك على الرمح وهذا ياسيف اللي ذبح خير العمل 7. وين سبع القنطرة وسبع الطفوف شصبر الراس على رمحه وما نزل 8. بعينه من شاف الشمر سوطه يلوح بمتن زينب كيف عباس احتمل 9. يعني هاي ام الخدر زينب أقول يعني أياس لاخدرها ولا أهل 10. يعني لا جفالها يلوح الجفون ولا أبو الحملات من صاحت حمل 11. يعني ضلت بين جتال الحسين وبين سلاب الربى بين حضن الفشل 12. بس على اعناد الوقت وشما يجول ماتهبط راسه ربات الفحل 13. هي زينب مايغيرها المصاب شان على الناقة وإذا فوق الجبل

[ღ عِشق ღ]

ابداعات سيد عبد الخالق المحنة
.
شكراً على نقلك