عشرتنه مو عشرة لعب
عشرتنه وك نبض وگلب
ليش غــدرتني يــالمحب
وضحلي وك شنهو السبب
شنهو بدر مني ذنب
عاتبني لو رايد عتب
................. وانا اسمعك واحچيلي
انه اسمعك قدم عذر
جازيتني ليش بغدر
بهداي لورايد هجر
وك انه هم مثلك بشر
گلبي اعله طاريك يفر
ضحيتلك كل العمر
................. وانت غدرت يـــاويلي
انت غدرتني وماخفت
وانت بابو الفضل حلفت
وك والله مثلك مافت
ليش عله گلبي انت لعبت
بفرگاك خاب انه متت
وبحالي انت اتشمتت
................. ردتك ولك توفيلي
توفيلي وتسكت اللي حچوا
اهلك البيه اتشمتوا
گالوا علينه ما وفوا
وهمه العلى عشگي جنوا
بينك وبيني باعدوا
وانت قبلت من قرروا
................. هسه رجعت تبچيلي
هسه رجعت تبچي وسف
لطبعك ابد محد عرف
خليتني بساحة هدف
وشماتي شامتهم بالف
بغدرك ولك گلبي انزرف
ارجع الك كلش كلف
................. يالهدمت كل حيلي
.
.... عبدالله الشريفي ....
2015
رد مع اقتباس
