هنا

[Hani Yaqoub]

في المسبح
صور بتاريخ الماضي شوي مسحوق
يعني يوم الجمعه قبل اليوم
الايفون لله دره كدرت ادخله للمسبح وصورت جوه الماي



وهاي قبل سنه بنفس الوقت
بس غير مسبح

[Hani Yaqoub]

تاك لرحيل
تذكرين من كتبت الغير وچكيتني بتقيم تصحيح
هسه شفته وذكرتج
"الغير وغير
----------
1. حين تستعمل كلمة (غير) مضافة لكلمة أخرى، إجعل (ال) التعريف مع الكلمة المضافة إليها، ولا تجعلها مع كلمة (غير)؛ مثل:
المشمولون × غير المشمولين
أما قولك (الغير مشمولين) فهو خطأ.

2. كلمة (الغير) تعني (الآخرين)، مثل قولي لشخص ما:
- أنا أتعامل معك بلطفٍ؛ كما أتعامل مع الغير."
-Ali Ghadeer

[Hani Yaqoub]

فلم
Wonder Woman
بطولة الاسرائيلة الاستيطانية التوسعية الصاكه الربه غال غادوت الي نزلت بيه اية وإذا رأيتهم تعجبك أجسامهم
قصة الفلم عن بدايات المراة الخارقة بجزيرة ثمسكيرا الخاصه بالنساء فقط من الصغر الى ان كبرت وصارت تشك شك وانتقاله من الجزيرة للخوض بغمار الحرب ( حبيت اكول هل العبارة كثر ما سمعته )
فترة الفلم ب1918 يعني نفس الفترة الي انتهت بيه الحرب العالمية الاولى
الفلم انتاج هذه السنة ومتعوب عليه هواي من كل النواحي كقصه وانتاج ومؤثرات
بس اكو بعض اللقطات من تتحرك بسرعه وكانو بالحاسبه يعني هل الشي تلاحظه وهل الشي زعجني تصورت اتجاوزوا هل المرحله باشواط
تقيمي للفلم 8.8

[Hani Yaqoub]

فلم
The Hitman's Bodyguard
احنا شايفين افلام لقتله محترفين او حراس شخصين بس ما شايفين فلم حارس شخصي لقاتل محترف
فالفكرة جديه نوعا ما ومثيرة للاهتمام
الفلم من ناحية القصة من جدا قويه يعني تقليدية وماكو شي جديد يعني طاك طيك طكطكه
القاتل المحترف ماسكينه لشرطه لاسباب معينه ولازم يقدم افاده بالمحكمه طبعا باردته والافاده يريد يعلس بيه رئيس بلاروسيا الطاغية
وهل الرئيس يحاول يقتل صاحبنه ويوديه لمقبرة وداي الموت الي باليمن او الاعمال بالنيات يجوز يجي للنجف تالي ماعرف
ومثل العجين بيدين الامهات الاحداث ادت الى ان يكون لهل القاتل حارس يحاول يوصله للمحكمه
الفلم ممتع نوعا ما بيه كميه من الفكاهه كذلك صارفين هواي فلوس على التفجيرات
التوصير حلو عجبني هواي داخل المدينه يخليك تطلع على معالم المدينه
تقيمي للفلم
8

[Hani Yaqoub]

فلم
Rememory
بطولة العملاق بالامكانيات القزم جسديا بيتر دنكليج احد ابطال مسلسل كيم اوف ثونز
قصة الفلم عن بروفيسور يخترع جهاز يكدر يحول تجاربك بالحياة او اي شي شافته عيونك على شريحه معينه يعني يستخرج ذاكرة الدماغ ويوضعه بفلاش وكانو جاي تشاهد فلم ويكدر كذلك يتلاعب بالذاكرة
وبعد ما يعلن البروفيسور عن الجهاز يوجدونه مقتول شلون محد يدري
فجاة يظهر بطلنا من حيث لا يعلم الجميع ويبدي سلسلة من التحقيقات مع الاشخاص الي تم تجربة الجهاز عليهم
الفلم غموض واثاره ممل نوعا ما احداثه بطيئة جدا ورتيبه لكن نهاية الفلم صادمه وقويه
فكرة الفلم مو جديده هواي اكو افلام اطرقت لهيج نوع من القصص بس هل الفلم يعالج فد قضايا معينه تكتشفه من اتابع الفلم تقيمي 8.4

[Hani Yaqoub]

فلم
What Happened to Monday
صارت ازمه عالمية بكوكب الارض بسنة 2073 بسبب الزيادة السكانية واتوقع السبب بالاصل العرب اذا كل واحد يخلف كومه ( الاستقرار الامان )
وهل الشي خله وحده دكتورة تقترح سياسة الطفل الواحد لكل عائلة وتمت الموافقه على السياسه وصارت صارمه جدا بحيث الي يلكون عنده اكثر من طفل ياخذونه منه و يوعدون اهله بانهم يجمدونه بمراكز معينه ومن تنحل مشكلة كوكب الارض يعديونهم للحياة
بس الي صار وحده من النسوان صار عده 7 بنات وقبل لا تموت بسبب الولادة خلت شخص يوعده بالعناية بيهن وما تخلي مركز العناية بالاطفال ياخذ 6 من البنات ويبقي وحده وهل شخص وفى بوعده
وبده يدربهن ويعلمهن بالبيت وخله كل وحده تطلع من البيت باليوم الي تحمل بيه اسمه لان هو سمى البنات على اسماء الايام
وجانت الي تطلع من البيت تجي تسولف كلشي صار وياها بالخارج بالضبط وطورن نظام معين بخصوص المكياج والمظهر حتى يشابهن 100 % وقت يطلعن من البيت بس الي صار بيوم البنت الاثنين اختفت وما يدرون ليش ومنه بدت الاحداث القوية جدا
لكل بنت بيهم افكاره الخاصه وشخصيته وميزته وهل الشي ادته ممثله وحده فقط واجادت الادوار
الفلم بيه هواي قتل ودم غير صالح لما تحت 18 من كل النواحي
تقيمي للفلم 9

[Hani Yaqoub]

فلم
Rough Night
هل الفلم شفته علمود حبيبة القلب سكارلت جوهانسن
قصة الفلم تقليدية مجموعه بنات يحاولن يسون حفلة عزوبية لصديقتهن قبل عرسه وتصير احداث بسبب المخدرات والشرب وعملية اغتيالة
الفلم بيه كم هائل من الحجي التعبان
تقيمي للفلم 5

[Hani Yaqoub]

فلم
Captain Underpants: The First Epic Movie
اصدقاء ثنين بالمدرسه وكحين بشكل وحشاشه واحد بيهم يالف قصص والثاني يرسمهن فجانو يرسمون قصة الكابتن سروال
بعده نومو مدير المدرسة المكروه مغناطيسا وخلو يصير كابتن سروال لكن كل البطل الخارق غبي جدا
القصه لا باس بيه
التصوير مضبوط
كمية الفكاهه بالفلم ما عجبتني هواي
تقيمي 6

[Hani Yaqoub]

فلم
Baywatch
هل الفلم عن فريق نخبه يختارهم الممثل والمصارع روك (دوين جونسن )لحماية الشاطئ يلقبون نفسهم حراس الخليج وحتى تكون من النخبه لازم تمر باختبارات معينه وتجتازه
وبالفلم الممثله بريانكا تشوبرا الي تحيك مؤامرة للاستيلاء على الخليج
بطلنا والنخبه مالته يحاولون يقضون عليه
الي يميز الفلم هو الممثلين الموجودين بيه مثل الصكاين زاك ايفرون و الكساندرا
تقيمي للفلم 6

[Hani Yaqoub]

الى اصدقائي الملحدين
كل عام وانتم بخير
حج مبرور وسعي مشكور

انقهرت عليكم