هنا

[Hani Yaqoub]

مقال عن المجداية
بلغة المتفقهين المتسولون
التعامل العبقري مع المجداية
مشاركتي بالمدونة

المجداية نوعين اما مو حلوين مو حلوات او حلوات
المجدايات الحلوات خارج هذا البحث يعني من الاخيرة انطيه الي تكدر عليه
اساليب التعامل ويه المجدايه
من تشوف مجدي جاي يدعيلك لا تبعد عنه بالعكس تقرب عليه وهو راح يزيد الدعاء
ولا باس بالمخادعه لاقناعه بانك تريد تدفع اله فلوس هنا هو راح ينظرلك نظرة الطالب المحتاج 5 درجات الى الاستاذ وبالتالي راح يزيد من الدعاء هنا بكل بساطه كله اسف ما عندي صرفه وبكل بساطه ابتعد عنه
بهل الحاله ربحت دعاء وما دفعت شي من جيبك وقللت التجدي
ومن يجيك مجدي بيده دعاء او قران ويكلك اشتري وملامح الحزن على وجهه
كله سامع بكفار قريش شي طبيعي يكلك اي
كله انا منهم من كفار قريش فما اقرا هل الكتب الي عندك وهل شي فعليا سويته اليوم
كذلك تكدر تشتري للمجدي اذا كلك جوعان بس هاي ما نصح بيه لان مره صرت ذكي واشتريت الهم ولنه اشتري للام واطفاله
وبالنتيجه تقفصت بدل 250 دينار 3000 دينار بس الحياة تجارب المره التجي من يكلي جوعان اكله حتى تحس بالفقراء وتذكر شهر رمضان شهر العبادة
واذا قال الك المجدي من باب الله كله كفرت الله ما عنده باب هو بيت واحد بالسعوديه واحنا وياهم على خلاف سياسي اذا انت جاسوس عميل تجب محاسبتك
بالختام
يكول الحديث
مجادية اليوم اغنياء الغد

[Hani Yaqoub]

الفارغين
همه الي يواصلون الناس
اذا صارت عندك مناسبه واجوك عدد من الاصدقاء بالمقابل لازم تحضر كل مناسباتهم وكل ما كانو الاصدقاء كثر كل ما وقعت انت باحراج
وهل شي يطلب منك ان تكون انسان فارغ ، ماعندك اي التزامات ، عايش من اجل التواصل حتى ترضيهم والا الزعل يقع بينك وبينكم
زين انا شنو ذنبي اذا همه فارغين
ما اعتب على احد ما يجي وبنفس الوقت ما اريد احد يعتب

[Hani Yaqoub]

لابدَّ من زهرةٍ لو نصف ذابلةٍ
تهز اغنيةَ الاغصانِ في جذري

- نجاح العرسان
- من صفحة الصديق حسن سامي

موسيقى العازبين

[Hani Yaqoub]

كتاب
مختصر تاريخ البصرة
للمؤرخ العراقي علي ظريف الأعظمي
الكتاب يتحدث من بداية تاسيس البصرة الى نهاية الخلافة العثمانية بالبصرة بعد هزيمتها من الجيش البريطاني
البصرة تاسست بزمن الخليفة عمر بن الخطاب وجانت اول مدينة يفتتحه المسلمين
اول معركة يخوضه المسلمين مع الفرس بالحفير والمعركة الثانية بالثني
بالمعركة الثانية من ضمن السبايا جان الحسن البصري وجان الحسن البصري نصراني
الحسن البصري للي ما يعرفه اله دور جدا ضخم بالعالم الاسلامي هسه جان الدور خوش مو خوش بيه اقاويل وحجي هواي
اول ما تم افتتاح الابلة بالبصرة على يد عتبه بن غزوان ويعتبر هو المؤسس الحقيقي سنة 14 هجري (يوجد حاليا مستشفى بالبصرة تحمل اسمه للولادة)
البناء كان بدايته من القصب
سنة 16 هجري صار حريق حرق الاخضر واليابس وعليه طلبوا من الخليفه ان يبنون من طين
فوافق الخليفه على شروط منه محد يزيد على ثلاث ابيات و البناء ما يكون عالي والالتزام بتعاليم الرسول
فخططو المدينه على شكل شوارع ولكل قبيله شارع وبنو مسجد بالمنتصف والشوارع تتفرع منه
بعده الخليفه ارسل اشراف العرب من اهل البداية واسكنوهم بالبصرة
من الامور الي استحسنته للخليفه من عتبه استعمل على البصرة مجاشع بن مسعود
فالخليفه قال لعتبه اتستعمل رجل من اهل الوبر على اهل المدر .
من المعلومات المثيرة للاهتمام ان سبب قتل المختار هو مسير مصعب بجيش من البصرة ومحاصرته وبالنتيجه قتله بسنة 67 هجري.
بسنة 71 هجري مصعب ااخذ رؤساء العراق واشرافهم وتوجه لابن الزبير على ان يعاملهم معامله حسنه ويحسن بالعطاء الهم بس ابن الزبير
تصرف بغباء وما ااحترم العراقين وقال وودت ابدل كل 10 منهم برجل من الشام هنا العراقين حقدوا عليه فهل السبب راسلوا عبد الملك بن مروان
على انهم رافضين طاعة ابن الزبير ومستعدين يدخلون تحت حكم عبد الملك
عبد الملك جهز الجيوش ومصعب جهز جيوشه
هسه مصعب خله قائد الجيش مالته هو ابراهيم بن مالك الاشتر وهذا اذا دل على شي يدل على ان الموضوع سياسي لان ابراهيم شي والاشتر صديق الامام علي وابراهيم جان ويه المختار شلون تصير ويه مصعب فعليه لازم شيعة العراق بالوقت الحالي يفهمون ان الموضوع سياسي تره ما يتعلق بالدين ويبطلون هوبزاتهم
بعد المبحاثات بين مصعب وعبد الملك بن مروان بده عبد الملك يراسل العراقين وبالترهيب والترغيب انحاز اله الكثير
ابراهيم عرف بالموضوع لان هو هم راسلوه وراح بلغ مصغب يمعود راح يخونوك ما صدك مصعب وهو من كل عقله العراقين ما ينطون بيه
ايا غبي مو قبل ايام ابن الزبير اهان العراقين اي غير تفهم ابو عقل التنك
بالنتيجه صارت المعركه واخانوه اهل البصرة والكوفه وخسر معصب المعركة ونعلس من الفج للفج وجان هذا السبب لانقراض ملك ابن الزبير .
يكلك بالبصرة جان اك 120000 نهر كذلك ابو الخصيب سموها بهل الاسم لان اكو شخص اسمه ابو الخصيب مرزوق حفر نهر وسمو النهر باسمه وبعده صارت المنطقه كله باسمه سنة 140 هجري.
سنة 210 هجري جان بالبصرة 700 عالم و11000 تلميذ اذا اخذنا بالنظر الاعتبار عدد سكان اهل البصرة القليل بذاك الوقت و الفترة الزمنية فهذا انجاز جدا جدا عظيم بحيث الحاكم من سمع بالموضوع فرح هواي وزاد العطاء وطلب ينسخون اله كل المؤلفات الي بالبصرة
فجمعو اله ما الفوه العلماء خلال 20 سنه فجان اكثر من 200000 مؤلف رسلوها ب3 سفن .
بالكتاب قريت تقريبا 7 مرات فتك الطاعون باهل البصرة كذلك حتى دولة عمان هجمت على البصرة كذا مره وبكل مره يتم صده وقتل المهجامين
ومن الامور الغريبه الكاتب افراسياب اشتره البصرة كله ب 8 اكياس ذهب من علي باشا واخذ الفلوس وطفر وهل الحجي سنة 1005 هجري
الحكام الي حكمو البصرة جدا جدا هواي يمكن يوصلون 500 حاكم خلال فترات
تم الهجوم على البصرة وتمديرها عشرات المرات
افضل وقت للبصرة خلال الدوله الاموية وبداية الدولة العباسية وبعده بدت بالخراب واستعادت عافيته بعد اعلان العثمانين عهد الدستور
اول مره اقرا كلمة كويت بالكتاب سنة 1204 هجري قبله ما سمعت عنه شي
حدود البصرة جانت جدا جدا عملاقة

انهيت الكتاب اليوم بعد قرأة لاربع ايام بطريقي للشغل فقط

[Hani Yaqoub]

"احم احم ...
العربي لا يمدح نفسه امام الآخرين، ومن يفعل ذلك ينظر له قومه باحتقار واشمئزاز ...
لذلك لا يجد العربي امامه وسيلة لاظهار مكانته وعلو شأنه سوى الانتقاص من اقرانه وذمهم، وفي نفس الوقت يستمر بتصنع "التواضع" الكاذب ....
المقدمه اعلاه هي لتوضيح رأيي انا "العبقري، الذكي، الرائع، العميق، الماكو مثلي" بخصوص اشكالية "عواصم التنوير" العربي والمقارنة بين بغداد والرياض والقاهرة وابو ظبي، فالكاتب الخليجي عندما اراد ان يبين مكانه العواصم الخليجية في المشهد الثقافي العربي لم يجد وسيلة سوى ذم العواصم الاخرى والتقليل من شأنها، والكتاب الذين قرروا الرد عليه لم يجدوا وسيلة سوى تحقير مدن الخليج وتسخيف دورها....
دون ان يرينا اي منهم انجازاته الثقافية..."
- من صفحة الصديق - Mazin Kegan -

[Hani Yaqoub]

امي تكلي لازم هسه انت گاعد تقرا دعاء عرفة

يمه شهل الحجي القاسي انت شايفه دعاء عرفه لو لا
النبي نوح قراه بدايته شبابه ما خلص منه اله وقت موته
اصلا موسى من التقى بالخضر جان يقرا ولحد هسه ما مخلص منه
يكلك حتى لامام بس يخلص من الدعاء يظهر النا

[Hani Yaqoub]

مره قريت دعاء يوم عرفه ( للما يعرفه المقصود بيه دعاء الامام الحسين يوم عرفه ودعاء عملاق من كل النواحي )
وتندمت
اريده يخلص ماكو
قريته مثل الجريده
زغلطت بالكلمات
عبرت اسطر
ماكو
ولهل السبي ما اقرا بعد
المؤمن لا يقع بالفخ مرتين

[Hani Yaqoub]

كتاب
تاريخ الدول الفارسية في العراق
للمؤرخ العراقي علي ظريف الأعظمي
الكتاب يتحدث من الدولة الفارسية الاولى ( الدولة العيلامية) الى نهاية الدولة الزندية بالبصرة والعراق كله سنة 1771
زمن الرسول عاشرو الدولة الساسانية وجانو ملوك اقوياء جدا بس الوقت الي راسلهم الرسول علمود يدخلون بالاسلام جان يحكمهم واحد غبي من كل النواحي ومتعجرف وطاغية ومن بعده بدت الدولة الساسانية بالانحطاط وهذا السبب الي خله العرب ينتصرون عليهم بالمعارك وله لا العرب ولا غيرهم يكدرون يتواجهون ويه الامبراطورية الساسانية
بعده المعارك صارت بفلس وتبديل الملوك مثيل تبديل الملابس الى ان صفت الى يزدجر وهذا حسب ما قاري يكون والد شهربانو الي اسروها المسلمين وصارت من نصيب الامام علي وزوجه الامام الحسين وانجبت اله زين العابدين
الي يميز الفرس عن غيرهم عدت امور منه
ابد ما يهتمون بدين البلاد الي يغزونه يعني شتريد تعبد اعبد مالهم اي دخل وهل الشي خله الناس تتاقلم وياهم بسرعه بس هل الشي ما بقى ثابت لان اوربا دخلت بالديانة المسيحية وبدو يكثرون المسيحين بالعراق وبدو يشتغلون جواسيس لروما كذلك بدت روما تدخل بشؤون العراق بحجة المسيحيه وبسبب هل الشي بدو الفرس يضطهدون المسيح
مع ان الفرس جانت ديانتهم زرادشت بس ما انتشرت لان ما جبرو احد عليه
طبعا هل الحجي كله قبل الدولة الصفوية لان الدولة الصفوية قامت على مذهب التشيع وبدو يفرضونه اجباريا بكل الدول الي تحت حكمهم وهل الشي دخلهم بمعارك طويله عريضه
ومن قبل الصفوين البويهين ايضا جانو شيعه وهم صارت مشاكل سنه وشيعه او ديلم واتراك وحروب طاحنة بس وقت الصفوين جدا كثرت بسبب الدولة العثمانية الي ايضا جانو يدخلون بحكمهم بسبب السنة الي بالحقيقه هي ذريعه لا اكثر
حسب الي فهمته لو ما ادعاء مذهب التشيع ما قامت للفرس قائمة يعني بعد انقراض الساسانية ما قامت الهم راية ضد الدول الاسلامية وخلافته الربانية الي ضحكو بيه على عقول الناس بس من تدعي مذهب التشيع الي ما يؤمن بهل الشي تكدر تاسس فد شي عملاق ومرتب
كذلك الفرس اهتمو بالعلوم والعمران والزراعه بشكل مو طبيعي وهل الشي الي خلاهم يحكمون لفترات طويله جدا وبرافهيه
مثلا العراق جان باسعد ايامه من جان تحت حكمهم
يبدو لي ان المؤلف اثر على كتابته ميوله المذهبيه والله عالم
مدة حكم الفرس في العراق.
مدة الحكم --اسم الدولة
٨-- الدولة العيلامية، في جنوبي العراق ( ٢٢٩٥-٢٢٨٧ ق.م)
٢٠٧-- الدولة الكيانية، في العراق كله ( ٥٣٨-٣٣١ ق.م)
٣٥٢-- الدولة البرتية، في العراق كله ( ١٢٦ ق.م– ٢٢٦ بعد الميلاد)
٤١١-- الدولة الساسانية، في العراق كله ( ٢٢٦-٦٣٧ بعد الميلاد)
١١٠-- الدولة البويهية، في العراق كله ( ٩٤٥-١٠٥٥ بعد الميلاد)
٣٣-- الدولة الصفوية الأولى، في العراق كله ( ١٥٠٢-١٥٣٥ بعد الميلاد)
١٧ --الدولة الصفوية الثانية، في العراق كله ( ١٦٢٠-١٦٣٨ بعد الميلاد)
٠٣ --الدولة الزندية في البصرة، في العراق كله ( ١٧٦٨-١٧٧١ بعد الميلاد)
.............
١١٤١-- المجموع


انهيت الكتاب اليوم بعد قراءة ليومين فقط

[Hani Yaqoub]

رساله الى الله اكبر
هلو شلونك
ربي كافي خطار وداعتك صارت ماصخه نريد نرتاح
هوالمن سموه عيد يعني راحه يعني نوم نت
شسمويلك حتى هيج تعاقبنا بالخطار

[Hani Yaqoub]

الله مال انت
مو مثل
الله مال انا