ما يعشقه الرجال
- النساء
- جوليت
- فلتر B612
ما يعشقه الرجال
- النساء
- جوليت
- فلتر B612
جاي فكر انشر التقيمات الي حصلت عليهن باخر فترة
انا والشيخ
- السلام عليكم شيخنا اجيت اقبض مستحقاتي
- اللهُ مع الصابرين هم انت ، ابني مال شنو مستحقات يتيم ، مرتك ارمله ، مصلح صندوق التبرعات بالجامع
- شسالفه شيخنا التعين مال قوامون
- ابني اذا تقصد مساعدة العجزه هاي أجرك على الله
- لا شيخنا هاي الايه مال الرجال قوامون على النساء وانا صارلي فتره طويله گايم على حيلي ما خليت وحده منهن تعتب باب البيت و ٢٤ ساعه اصيح وغير الله يجازيني بفد مستحقات على تعبي
اي يا شيخنا قابل نشتغل بلاش قابل الله ماعنده فلوس
- ابني انا متاكد انت مكبسل وجايني بس راح اجاريك
واكلك انت كملت الايه الي بيه شرطين
اولا- لازم الله فضلك عليهن ببعض النقاط وبدون تفكير من اول نظره ما مفضلك بشي بس الغباء
ثانيا - لازم تنفق وانت طول عمرك مفلس
فيا ابني بدون ما تخليني اكفر ان قواميتك حدوده تشغل تلفون بابا فين وترد عليه بابا هنا هنا اوه اقله مين
- عفيه شيخنا عفيه هز بعد هز على هاي القصيدة الي الفته الك
قل لي - ولو كذباً- كلاماً ناعما ً
قد كاد يقتلني بك التمثال
مازلت في فن النصيحة .. طفلاً
بيني وبينك العمامة والعباية
لم تستطيع - بعد - أن تفهمني
أن الرجال جميعهم قوامون
إني لأرفض أن أكون مهرجاً
قزماً .. على كلماته يحتال
فإذا وقفت أمام حسينيتك صامتاً
لان محترم اعمامتك
رجعت زوجتي من اهله وچان تطرح السؤال الي تطرحهً كل انثى
- شنو متغير بيه
- والله ما ادري شنو متغير
- يعني انت ما تحبني ما حافظ شكلي
- لا حبي مو هيچ شوفي انت كل فتره تزدادين جمال
يعني من عرفتج چنتي جميلة انوب صرتي جميلة جدا وهسه فائقة الجمال فانا مجاي اكدر أحفظك شكلچ لام جمالچ بازدياد وبالتالي شكلچ يتغير
- اروح اسوي عشه
من ايه تتمرض اول مرة بحياته
ملاحظة : كل ما اذكره في الاسفل حقيقي ، تم اقتباسه من صفحات الدرر
كلمات ايه وهي مريضة
- يدي لا تستطيع رفع القهوه الى فمي
- يغازلني وشفتاي لا تقدر ان تبتسم
- لو لم يكن برياني ما وضعته في فمي
- كم وددت الغناء لكم جسدي المنهك لا يستطيع الوقوف
- اه من لوعة فقد الأحباب والعافية
- كم آلمني هبوط سعياتي وصحتي
- فگد الأحباب ولا فگد العافية
- ابكي بحرقه ، لا يوجد احد كي يسمعني او يراني ، لا يؤلم الجرح الا من به الالم
- موجع قلبي والتعب بيه ، أغنيتي المفضله
- وصيتي لكل الاعضاء ، المرضع موجع جدا
اي هاني طلعت انسانة طبيعية و عادية و تهمني الاشياء العادية الي تهم باقي البنات طبعاً
- بعض الهمسات تصدم
يا ليتني ما عشت يوماً كي أرى
من قادنا للسُعد أصبح باكيا.
لما رآني غض عني طرفهُ
كي لا أكلمُه ، وأصبح لاهيا.
الدنيا تغيرت
لا وحده تراودنا عن نفسه
لا قميص شگ من دبراً
لا مرحبا
وينك يا يوسف من بعدك انگطعت خبزتنا
- هاني انت عرفت بنت قبل او حبيت
- انت قاريه بالقران رب اني نذرت لك ما في بطني
- اي قاريه
- اي هاي امي دزتني اودي نذر للجامع وهسه جايج منه
- يا الله
- زين انت قاريه بالقران من المؤمنين رجال صدقوا ما عاهدوا الله عليه
- اي قاريه
- اي هاي انا بعدني ما قضيت نحبي
- ما شاء الله
- طيب انت قاريه بالرياضيات الاعداد الاوليه
- اي اي قاريه بس شنو يعني
- اي هاي قلبي ما يقبل القسمه على 2
- يا جكد رومانسي
- انت قاريه بالتاريخ الدكه الناقصه مال خالد من افتر على المسلمين واذاهم
- اي اذكر هيج شي
- اي انا ما مسوي بالمسلمين هيج دكه ناقصه
- تدري انا حبيتك
- انت سامعه المثل امشي شهر ولا تعبر نهر
- اي اعرفه
- اي مو انا الي يمشي علي هل الحجي انا الي عبرت الشط علمودج وخليتج على راسي
#294
- انت سامعه بالعالم الموازي
- اي قلبي
- اي ما وازني العشك قبلك
- اويلي فديتك
- شايفه الحجر الاسود جكد مهم للمسلمين
- اي جا غير الله قدسه
- اي هيج الشامه بالخدج
- مرغلتني
- سامعه باديسون جكد مكتشف اشياء
- اي رحم الله والديه على الكهرباء
- بس عجز عن يكتشف مثلج
- شعلت ابيه
٣٣
- انت قاريه بالقران كم من فئة قليلة غلبت فئة كثيرة
- اي قاريه بختمة شعبان
- اي هاي انت من فئة الحلوات القليلة الي عذبت الفئة الكبيرة
- اوف رجفت اديه
- سامعه بدعاء وانهرت المياه من الصم الصياخيد عذباً واجاجا
- اي وشنو تعني صياخيد
- شمدريني حبج ثولني
- فديت مجنوني وانا ليلاه
- انت سامعه بوكالة ناسا الأمريكية
-اي اي وشايفه فلم عن رحلة ابولو من نزلوا على القمر، خطيه شلون تعذبوا
-اي انا قلبي محد نزل عليه قبلج
- اه رجف خصري بمحبتك هزه هزتين
- قريتي شلون ام مريم نذرت ما في بطنه محررا
- اي چانت تريد ولد يشتغل بالجامع
- هاي نذرت مافي جيبي مصروف الج
- اييييه طفر قلبي كبي ناو كبي ناو
انا والشيخ
- لا حول ولا قوة الا بالله ، الك بيه أرادة ياكريم الولد تخبل ولك شبيك مدثر روحك بالقمصلة واحنا بالصيف
- شيخنا والله دوختونا اتبعنا القران ما رضيتوا ما اتبعنا هم ما رضيتوا اي متگلي شسوي
- ولك ابني بس فهمني شدخل ملابس الشته بالصيف بالقران
- شيخنا شسالفه مو بالقران مكتوب يا ايا ايها المدثر وانا ادثرت
- ابني انا من دخلت حوزه و انا ما غالط بس هسه راح اغلط واگلك من خرب لشتك
ولك ابني
اولا چان يخاطب الرسول مو يخاطبك
ثانيا مجان لابس قمصلة
ثالثا متگلي شوكت تبطل تگطع الايه وتكمله للنهاية حتى تفهم المقصود يا ابني
- خلص خلص شيخنا لا تكمل انتم تردون الجنة بس الكم
لو حجيك صدك ليش حتى بالصيف تلبسون عبايه وعمامة والجو حار
- ما اكول بس ، ربي أيوب هم ابتليته هيچ
التعديل الأخير تم بواسطة Hani Yaqoub ; 22/January/2019 الساعة 1:20 pm
انا والشيخ
- يا الله هم شفتك ، اي ما تگلي تمشي بالشارع حافي ليش وثانيا شكو لابس جواريب بالصيف لا تگلي قريت بالقران هم اكو جواريب
- شيخنا جكد جاي اعلم بيك وافهمك بس ميفيد
بس گلي هو الله مو كلشي خلقه يسبح اله ويحمده
- هاي تاليته انت تعلمني. اي نعم ما من شيء في الارض ولا بالسماء الا يسبح لله ويمجده
- زين مو كلشي الله خلقة لخدمة الانسان يعني نعمة من الله
- اي ابني من نعم الله ان بسط لنا الارض حتى نمشي في مناكبها
- اي يعني الارض مثل الخبزه حرام أندوس عليه ولهل السبب ما البس نعال بعد
- ولك شجاي تمسلت بالله راح اكفر من وراك ولك ادري شكو براسك عقل لو نعال
- شيخنا مو اكلك صاير ما تفهم تره الله بالقران يكول وانزع نعليك بس انتم ما تاخذون الحجي
- احنا مو ما ناخذ الحجي بس انت الاسلام ابتلى بيك
- شيخنا اشك بيك انت ما تقلب النعال اذا مقلوب على وجه
- والله يا ابني بطلت أقلبه من عرفت الله موجود في كل مكان
رد مع اقتباس