كونايدن ،صباح الخير^_^
كونايدن ،صباح الخير^_^
صباحوو
شنو غداکم؟؟
عجبت لمن يمشي مائلاً!
ويطلُب من الحياة أن تستقيم..
.
من چنت صغير بأيام الإبتدائية چانت المدرسة مالتي بيها دوامين صبحي وظهري
بأيام اللي چان دوامنا ظهري چنت اني وأصدقائي ندخل للمدرسة أول الناس
ونگوم نفتر بالصفوف وندور بالرحلات على الأقلام والمساحات والمقطاطات
اللي چانو ينسوها طلاب الدوام الصباحي برحلاتهم
چنت يومية أفتر بالصفوف والگه أشياء وأخذها وچنت كلش أكيف بيها
بيوم من الأيام هم دخلت للصفوف أدور بالرحلات وچان الگه قراصة مال شعر
صغيرة ملفوفه بكلينسايه ومشموره بوحدة من الرحلات
اني أول مفتحتها وشفت القراصة رأسا لفيتها وخليتها بجيبي
وكيفت بيها كلش وبقيت خالها بجيبي طول الدوام وخايف عليها تنباك
وأريد بس يخلص الدوام واطلع ركض حتى أنطيها لأمي تستفاد منها وتفرح
عاد من خلص الدوام رأسا ركضت لأمي وگلتلها :
يمه يمه غمضي عيونچ جبتلچ هدية
أمي غمضت عيونها و اني طلعت القراصة من جيبي وخليتها بأيد أمي وگلتلها فتحي عيونچ
أمي أول مفتحت عيونها وشافت القراصة بيدها رأسا شمرتها
وما حسيت اله كفختني بيدها حيل وصاحت : هاي شنو ولك وين لگيتها ؟!
گلتلها : يمه هاي قراصة مال شعر لگيتها بالرحلة وجبتلچياها !
گالت : ولك أخذها وروح ذبها بالزبالة لا أطيح حظك
ولك هاي صره مال طفل مو قراصة .
طلع واحد من الطلاب الصباحي أمه هستوها جايبه طفل
وگايلتله روح ذب صرة أخوك بالمدرسة حتى يطلع شاطر
واني مكيف بيها عبالي قراصة مال شعر أفرح بيها أمي ولازمها كل النهار
المهم
لليوم وأني أحب قراصة شعر البنات
.
.
منقول
خطية صرة الطفل انشمرت بالزبالة بدل ما تنشمر بالمدرسة
اعلى المشاركين اني
.
حرام عليكم ولا تقييم تره القصة منقولة بتصرف
اليوم المزاج حلو الله يديمه
تستاهل التقییم سومر