مسائكم رحمة ورضا
اليوم صباحا زوج اختي اخذنا لناس يسمون بخدام الحسين
دخلت طبيعيه جدا وشفت ناس كاعده
كعدت ع كرويته ويمي بنيه
الاوضاع مستقره لكن اغلب النساء الموجودات يباعون عليه
اللهم ياساتر
شوية ومااحس اله صرخه
وبنيه نشالت ونركعت بالكاع وتصيح شموسا حيذبحوها.
دخيلك ياعلي
مخفت كسرت خاطري لان عمرها 16...اثاري البنيه اللي يمي هي ام شموسه...شمس عمرها سنه وشهرين
وتدرون بيه ابد مااحب الجهال ههههه
شموسه عافت امها واجتني نزعتني ساعتي وخذتها تجر بعباتي والعبها طلعتلها كاكو وعصير من جنطتي وهي كلش متحب الاكل هههههه
تعلقت بيه كولش اشو راحت امها تحجي وي ابوها وشمس بقت يمي هالبنيه اللي تصرخ ضلت خازرتني وعيونها تخووووووف والله ضليت اصلي ع محمد لان شوية خفت هع جان تكول جيبها ولج نطينياها
دقيقه ورجعت امها كوتلها شسالفتكم؟؟
كالت صار20يوم من وكعت متااذي احد بس تصرخ وتصيح بااسم بنتي
يومووو
راحت هالبنيه من يمي
يالله ..جتي وحده لاخ طبيعيه بس عينها زركة
كعدت اني ضجت ع مرضى شباب بعمر الورد واهلهم شايليهم شيل ...ضجت والدمعه بطرف عيني
راحت عيني ع هاي اللي تصيح شموسه اشو رفعت اديها وغمتني وصاحت اكررررررررهج لاتتقربين من شموسه
يومووو
اني نصكرت ...وبهالاثناء والابنيه اللي بصفي نجطلت بحضني ودتريد تتقيا
يبووو اني شجابني هنا كمزت من مكاني ودااطلع بس السيد هدائني كوتله بس شوي وارجع كال بابا رجال هواي بالباب ومااوماانصحج اطلعين
ياساعة السودة
حافظة ايات وضليت اقرا وكعدت بمكان لاخ
ومااشوف اله بنيه فلقة قمر جمال ياربي جماال عمرها 18/19هيج
اشو كامت ع طولها وتكمز
دخيلك ياربي شجابني ههههه
لزمتها امها جان تبسط امها لا هنا خطر افلتي يانور
رحت مكان هادئ نوعا ما هاي اني واختي دنكمز من مكان لمكان
شوية ودخلنا
يالله
نساء معزولة عن الرجال
سيد صعد منبر محاظرة قيمة جدا رغم متعدت 15د. لكن كلام السيد درر والله يذكر بالبرزخ والموت ويدعو لعمل الخير ومساعدة الناس والتخلق بااخلاق اهل البيت ثم قراء دعاء التوسل وكل شخص بيده بطل مي
من خلص دعاء التوسل طلعوا الناس بقوا قليل فقط المرضى
بنات ميصير عدها جهال السيد شرحلهم كاانما طبيب مختص وبعض الامراض مس من الجن والبعض الاخر لا
طبعا السيد من يتكلم مع النساء معنده ذاك الخلك ويحجي عشر لغات كل شوية يحجي بلغه
بعدين وصل دورنا
يالله
كعدنا كال انتو خوات وخريجات
اي ياسيد
اكتشفت انو السيد جدا حباب ومثقف
اني قبل سنه وشوي ممااريد الاكل نهائيا ووزني نزل15،ك بسرعه خاطفه
راجعت اطباء ملكوا اي شي عندي
تحاليل فحوصات واكثر من طبيب
السيد كعد وصفلي حالتي طبيا وكال عندج غشاء المعده ماينمو ومعدتج متقلصه تجوعين بس متاكلين وكل هالاعراض صحيحه
طيب سيد شنو العلاج
كال حليب بقري تشربين اول الصبح وقبل النوم
ونطاني ايات قرانيه اقراهم ومناجاة الراغبين
اضافة الى المي اللي قروا عليه دعاء التوسل
......
بصراحه هالخدام جداااا عجبوني
اولا الف دينار مياخذون
ثانيا متدينين جدا وتعاملهم جدا حلو
اربع ايام من كل اسبوع خدمة الناس مجانا
متكفلين كومة ايتام
وشغلهم كوله بااشراف العتبه الحسينيه
ووياهم خدام من العتبه
وهاي هيه
رد مع اقتباس
المشاركة الأصلية كتبت بواسطة التميز عنواني
ف ارشيهم
اهم شي مايخذون ولاالف اني ركزت على هالجمله عجبتني حيل
