متصفح رائع جدا
الله يعطيك العافية
متابعة
المشاركة الأصلية كتبت بواسطة رؤيااا
ربي يعافيكم ويعزكم ويسعد مساكم بالنور والسرور يا بنت المملكه دمتي بعز بأذن الله
يا سعاد قلتي والحقيقه لك شهود
عيا زمان الذل يبعثلك جنود ؟؟
هذي نهايه كلمتك يا بنت الاحرار
كلمن يقول الحق اخرها ايموت ؟؟
الى جناة الخلد اختي
وحسبنا الله ونعم الوكيل
ماجيت يمك هزني داعي الشوق
جيت بغياب الكل اثبت حضوري
جيتك تسابق شيمتي لهفه الموق
واعجز اترجم في سطوري شعوري
مادام بالدنيا مشاريه وحقوق
العمر دونك مانحسبه ضروري
وخليت اهل الذوق للورد والذوق
جيتك بروحي مامعي ورد جوري ؟؟
كلن لقاله من المعازيب وقمه
ولاظل قيمه للنفوس الكريمه
رمه ويعايد مثله اليوم رمه
ناس تسوي لاجرب الكلب قيمه
اللي يتولى امهم صار عمه
ماظل في بعض المخاليق شيمه
ادري المشاعر ماتهزه وتهمه
دامه يعيش بدنيته كالبهيمه ؟؟
وش يلم هموم قلبي ياخليل
واستباح الهم قلبي واصطفاه
وانتخى لمكنون امالي يكيل
ساقها ولا عاف شي في هواه
ماترك لي شي بالماضي الجميل
شالها والريح ماخلى وراه
قلي كيف الحل او كيف السبيل
ماسواه بعين قلبي ما سواه
والبديل ان جيت ابحث عن بديل
اشتبه باشباه ماله مثله جاه
شوف كيف العود اصبح به هزيل
والطعون تصيب ظهري من قفاه
ماطمعت بشي كافيني القليل
والطمع من يوم يومه للرماة
للشدايد دوم برقبتي جميل
حتى يبلغ حمد ربي منتهاه ؟؟
ناس سطى بقلوبها لذة المال
عاشت على دموع الحريم الثكاله ؟؟
الشعور يعيش بالغربه يتيم
كالطفل ان صار محد يفهمه
في خفوقي له كم عام مقيم
وكن كل الناس حولي تكممه
ذي عيون الجرح ياجرحي الأليم
وفي ضلوعي صوت يؤلم ملهمه
في صميم الذات وبذات الصميم
كم عزيز شال جرحه ويكتمه
ينتخي من الجوع وصبره عظيم
وعايش بأمال نصر الملحمه
مايهزه سوط جلاد وزعيم
ينكر الاوجاع من الشيمه بفمه
مايعيش الجود بجلود اللئيم
كيف اترجم شيئ ماله ترجمه
ان عجزت تجود او تكرم كريم
لا تذل اطفال وبنت مسلمه ؟؟
رد مع اقتباس
