من قال ارقى واجمل يا هلا ورحب نازلي حياكم الرحمنالمشاركة الأصلية كتبت بواسطة نازلي
راقي كعادتك
استمر
من قال ارقى واجمل يا هلا ورحب نازلي حياكم الرحمنراقي كعادتك
استمر
امه تموت ودمها بالعرب سال
وجتنا على دمه اتعاوى كلابه
صرخه واقولها بصوت الاف الاطفال
يتم ومجاعه والبلاد انغدابه
وادري العرب اقوال ماتملك افعال
وحتى البلاغه عافوها والخطابه
وين الملوك المترفه وروس الاموال
وين العواني والاهل والقرابه
وان كان تبكي مثلنا ذيك الاطلال
شفها غدت عقب المعزه خرابه
خله يمتع شهوته رايق البال
وحنا الثرى بدم الرفاقه خضابه
متنا قهر والمهزله ليلها طال
مدري متى يبلغ املنا نصابه
من كثر ماصادفت ياامتي انذال
اصبح سوى موت العدو والقرابه
ادري اسد ياهيه وعيالك اشبال
حنا بلد والا بعرينك وغابه ؟؟
ان صار حلمك فوق ضهرك تشيله
ترى الجسد من ثقل الاحلام ينهار
رجل يشيل احلام امه وقبيله
وينوض باحماله كما الحيد لاثار
حاتم دليلي ان كان تبغى دليله
يلي خذيتوا بفعالكم قمه العار
ليت الردى نقدر نقيسه ونكيله
او نكتشف خبث الخيانه بسونار
الشمع يفنى بقربته للفتيله
لولاه ماضره ترى واهج النار ؟؟
رمح يصيبك في قفاك من الاصحاب
اقذر اصابه في سجل الاصابه
ولا كل جرح لو برى تعتقد طاب
وابشع جروح المرء جرح القرابه
حبك على جدران قلبي نثرته
بذره سقيتها من معالي الشرايين
واليوم انا جناي زرع زرعته
طول الفراق وحال ليل المحبين
لو للهوى دكتور حتما وصلته
اكيد بالتحليل شاف البلا وين
ولو يكتب الوصفات ماضن شربته
وشلون اعالج جرح عايشته اسنين ؟؟
بلاش نجامل ونكذب
ونذكر وضعنا بالخير
بحلم يغرق المركب
بوحدة شعبنا الكبرى
كبار نخون مانخجل
ونعاقب طفلنا الشرير
وعشان نصدق الكذبة
نوسم وجهه بذكرى
نبيع اوطان بالجملة
وشعوبه نصدره تهجير
عشان بديننا السامي
نجدد سنة الهجره
واذا خالفت بافكارك
تدينك تهمه التكفير
تدوم النعمة بالشكران
وغشيم الماعرف شكره
واذا تجمع جمع سالم
عروبه جمعنا تكسير
لان الموت بالاخر
ضريبة قوة الفكره ؟؟
صح لسانك يالغلا ولاحرمنا هذا الطيب والابداع والجمال
تنقلت محتارا اين اتوقف من حبة قمح إلى سنبلة وزهرة
واصدقك القول ارفع قبعتي احتراما لكم واعتز بكم وأتشرف بمتابعتكم
بوح ونبض ورسالة وقضية متكاملة بكل مافيها وفيها من الصور البلاغية
مايسر القلب والعين فكرا ومضمونا
بوركت وسلمت ودام مداد قلمكم ينزف صدقا وطيبا
نزداد فخر وشرف وعزه وسرور بمتابعتك اخوي اسأل الله ان يحفظك ويرعاك واطمح ان اكون دائما عند حسن الضن بأذن الله
لو الشحم يكسي جلود الخنازير
تبقى الفضيله للوبر بالاباعر
صار الجنس ينعشق بالتصاوير
عند العرب وماخذيها مفاخر
جنس عليه من الشريعه محاذير
رمز الدياثه وقدوه للفواجر
والكلب ينبح من وفاه المسايير
مذموم لو هو بالمجاديم ساهر
مهيون بعيون الاهل والخطاطير
مايحشم لفعله ولا نال خاطر
مع احترامي للوفا ومافعل شير
لولاه ماجبته بخطاب التفاخر
يكرم جنابه عن عقوق المشاهير
اللي خذوا دم الضحايا مصادر
والسبع والخسه لزبون التقارير
اللي ثمن مجده ازدهار المقابر ؟؟
بس الامل يشبع طموح المساكين
وتعيش بأحلامه البريئه بسعاده
ضحكه وعجزوا يشتروها بملايين
وتصعب على اصحاب السمو والسياده
ولاتدركه ملوك العرب والسلاطين
صارت نصيبك يالبسيط بشهاده ؟؟
رد مع اقتباس
